wile sona
jan li wile sona la, jan ante o pana e sona.
wile sona lon toki pona
[o ante | o ante e toki ilo]toki pona la, toki pi wile sona li kama kepeken nasin mute.
wile sona kepeken nimi "seme"
[o ante | o ante e toki ilo]jan li ken pali e toki pi wile sona kepeken nimi "seme":
- sina wile e seme?
wile sona ni la, jan ante o ante e nimi "seme" tawa nimi ante:
- mi wile e kili.
anu
- mi wile e pan
wile sona kepeken toki "(ijo) ala (ijo)"
[o ante | o ante e toki ilo]kin la, jan li ken toki e wile sona kepeken nasin "(ijo) ala (ijo)":
- sina wile ala wile e kili?
wile sona ni la, jan ante li ken jasima e toki li ken pana e nimi "ala":
- mi wile.
anu
- mi wile ala.
kulupu nimi pi wile sona
[o ante | o ante e toki ilo]toki pona la, sina ken wile sona kepeken nasin toki mute. taso, sina o kepeken e nimi "seme" anu toki ni: "(ijo) ala (ijo)". sina wile sona lon toki ante la, ona li jo e nimi mute. toki Inli la, jan li sona e sona 5W+1H (Five Ws and How). ni la, toki Inli li jo e nimi luka wan pi wile sona:
- Who? - jan seme? (anu "kon wile seme?")
- What? - seme?
- When? - tenpo seme?
- Where? - lon seme? (anu "ma seme?" anu "tomo seme?")
- Why? - tan seme? (tan pi wile jan)
- How? - kon mute:
- kepeken nasin seme?
- mute seme?
- pilin seme?
toki ante mute li jo e nimi pi mute sama anu nimi pi mute sama lili.