wan pi ma Kama

ike la lipu ni li lili. sina wile pona e ona la sina ken suli e ona.

tenpo pini la ma Tansi en ma Nosiki en ma Sensa li kama wan lon jan lawa sama. ni li wan pi ma Kama (toki Tansi en toki Nosiki en toki Sensa la: Kalmarunionen). ona li awen ma ante. taso jan lawa ona li sama. ni li open lon sike suno nanpa 1397 lon ma tomo Kama pi ma Sensa li pini lon ona nanpa 1523 lon kama lawa pi jan Kusa Wasa.

tenpo pini ni la ma Sensa li lawa e mute pi ma Sumi. kin la ma Nosiki li lawa e ma Isilan e ma Kalasi e ma Pewija. ni la lawa pi wan ni li lawa e ma pi suli mute.