ijo lili pi wan awen

ijo lili pi wan awen anu ijo lili nanpa (lipu ni la nimi lili ona li ijo mi) (toki Elina la: ἄτομος, "ijo ni: ale li ken ala kipisi e ona") li ijo lili. nimi lili ona li wan awen. ijo ale li jo e ijo ni mute.

ijo mi mute li lon. ijo ante li kama tan mute ante pi ijo mi ante.

nimi pi ijo mi pi toki Elina li toki e ni: "ale li ken ala tu e ijo ni". taso, tenpo ni la, sona ni li lon: ijo ni li jo e ijo lili ante mute. tu e ijo mi la wawa mute li kama. ijo lili lon ijo mi li ni:

• ijo lili awen pi wawa linja (toki Elina la: πρῶτον, "ijo nanpa wan") li jo e wawa linja lon li suli li lon ijo lili insa pi ijo mi.

• ijo lili pi wawa linja ala suli (toki Inli la: Neutron, "ijo pi nasin ala") li jo ala e wawa linja li suli li lon ijo lili insa pi ijo mi.

• ijo lili tawa pi wawa linja (toki Inli la: Electron, "ijo pi wawa ilo") li jo e wawa linja weka li lili li lon ala ijo lili insa pi ijo mi.

ijo mi ante li jo e mute ante pi ijo ni: lon en awen en weka.

mute pi ijo lon li ante e ni: kon suli ijo li seme?

mute pi ijo lon en mute pi ijo awen li ante e ni: suli ijo li seme?

mute pi ijo lon en mute pi ijo weka li ante e ni: wawa linja li seme? ona en ijo seme li ken kama wan?

ijo mi ante li kama wan, la ona li pali e ijo lili kama (toki Lasina la: molecula, "suli ijo lili"). ijo lili kama pi telo li jo e ijo mi tu wan. ona li jo e ijo lili pi wan awen nanpa 1 pi 2 e ijo lili pi wan awen nanpa 8 pi 1. ijo mi nanpa 1 la ijo lon 1 en ijo weka 1 li lon. ijo mi nanpa 8 la ijo lon 8 en ijo awen 8 en ijo weka 16 li lon.