utala mun
musi Towa (toki Inli: Star Wars, "utala mun") li kulupu musi esun tan jan So Luka (toki Inli: George Lucas). sitelen tawa Anuko li kama lon tenpo sike nanpa 1977, la kulupu musi li open. sitelen tawa mute li kama lon tan ona. kulupu pi sitelen tawa lili, en lipu musi, en lipu sitelen, en ilo musi, en ma musi li kama lon tan ona kin. pali mani la, kulupu esun ni li suli mute lon tenpo ale.
esun en pilin jan la sitelen Anuko li pona mute la, sitelen tawa sin li kama lon tenpo sike nanpa 1980. sitelen ni li sitelen Sijenpatakipa(?). ona li pona mute kin la, sitelen Tawetonotejeta(?) li kama lon tenpo sike nanpa 1983. tenpo kama lon ni la, jan So Luka li pali e sitelen tawa sin. toki pi sitelen tawa nanpa wan la, sitelen tawa ni li lon tenpo pini. sitelen ni li sitelen Tepantomena(?), li sitelen Atakotekon(?), li sitelen Wewensotesi(?).
tenpo sike nanpa 2012 la, jan So Luka li pana esun e kulupu esun ona Lukapin (toki Inli: Lucasfilm) tawa kulupu Sinsi. ni la, kulupu Sinsi li pali e sitelen tawa sin. tenpo sike nanpa 2015 la, ona li pana e sitelen Teposaweken(?). tenpo sike nanpa 2017 la, ona li pana e sitelen Telaseta(?). tenpo sike nanpa 2019 la, ona li pana e sitelen Tewasokawake(?). toki pi sitelen nanpa wan la, sitelen ni li lon tenpo kama. kin, kulupu Sinsi li pali e sitelen tawa ante. sitelen ni li sitelen Solo(?) lon tenpo sike nanpa 2016, li sitelen Lokuwan(?) lon tenpo sike nanpa 2018. taso, toki pi sitelen tawa ante la, sitelen ni li suli mute ala.
lon toki
[o ante | o ante e toki ilo]toki pi musi Towa li lon kulupu mun suli wan, la jan li tawa mun mute kepeken tomo tawa suli. tawa suno la, tomo tawa ni li tawa kepeken tenpo ala. mun ni li ken jo e jan e ijo pilin ante, e ma mute sama ma pi mun mi. kin, kulupu jan ona li ken suli li ken lili.
toki la, utala suli li lon kon mun, li lon mun kin. kulupu jan li utala e kulupu ante, e kulupu jan lawa suli, kepeken ilo utala nasa, kepeken e kon wawa nasa. kulupu Seta (toki Inli: Jedi) en kulupu Si (toki Inli: Sith) li pilin e kon wawa ni, li utala kepeken ona. kin, ona li utala kepeken palisa utala pi suno kule.