utala mun

ike la lipu ni li jo ala e tan sona. lipu Wikipesija li wile e tan sona. sina wile pona e ona la sina ken pana e tan sona tawa ona.

utala mun (toki Inli: Star Wars) li kulupu esun musi tan jan So Luka (George Lucas). ona li open kepeken sitelen tawa utala mun lon tenpo sike nanpa 1977. sitelen tawa mute li lon tan ona. sitelen tawa lili anu lipu anu lipu sitelen anu musi ilo anu ma musi li lon tan ona kin. mani mute li tan kulupu esun musi ni.

sitelen tawa utala mun (tenpo kama la, nimi ona li kama e 'lipu nanpa tu tu: pilin pi kama pona sin'. ) li pini la, sitelen tawa sin li kama lon. tenpo sike nanpa 1980 sitelen tawa 'lipu nanpa luka: kulupu lawa ike li utala sin' li lon. tenpo sike 1983 la sitelen tawa 'lipu nanpa luka wan: kulupu Jesi li kama sin' lu lon. sitelen tawa mute ni li tan kulupu pi sitelen tawa kulupu pi sin ala.

jan Jo luka li kama sin. ona li pali e sitelen tawa tu wan sin. sitelen tawa ni li kulupu pi sitelen tawa pi tenpo pini. tenpo sike nanpa 1999 la ona li pali e sitelen tawa 'lipu nanpa wan: jan utala kon'. tenpo sike nanpa 2002 la sitelen tawa 'lipu nanpa tu: utala tan jan sama' li lon. tenpo sike nanpa 2005 la sitelen tawa 'lupi nanpa tu wan: utala jasima pi kulupu Sita' li lon.

tenpo sike 2012 la ona li esun e kulupu sitelen Lukapimo (Lucasfilm) tawa kulupu Sinsi. kulupu Sinsi li pale e sitelen tawa sin. 'tenpo sike nanpa 2015 la lipu nanpa luka tu: wawa kon li kama' li lon. tenpo sike nanpa 2017 la 'lipu nanpa luka tu wan: jan taso pi kulupu Jeti' li lon. tenpo sike nanpa 2019 la 'lipu nanpa luka tu tu: jan Siwaka li tawa sewi' li lon. sitelen tawa ni li sitelen tawa kulupu pi tenpo kama.

sitelen tawa tu ante li lon kin: sitelen tawa 'lawa ala nanpa wan' en sitelen tawa 'jan Solo'.