utala pi ma Pokulan
utala pi ma Pokulan la ma Juke en ma Asensina li utala e ona ante lon ma Pokulan lon kulupu ma Sosa Sanwi pi anpa pi sitelen ma. ma Alensina li wile lawa e ma Pokulan la ona li pana e kulupu utala Alensina tawa ma ni lon tenpo sike nanpa LLLTTAMMMMT [nnp]. nasin pi mute weka pi ma ale la ma Alensina li lon linja MMMMLTWAA [nnp] lon weka tawa ma Pokulan lon telo Alansi pi anpa pi sitelen ma.
tenpo suli la ma Juke en ma Alensina li utala tan ma Pokulan. ma Juke li pali e ma tomo pi poka telo pi nimi Emon lon tenpo sike nanpa LLLTAMMML. ma Epanja pi tenpo pini li pali e ma tomo Luwi lon ma Pokulan. pali Epanja li lon tenpo pini tawa pali Juke la pali Juke li ike tawa ma Epanja. ma Epanja li wile utala e ma Juke, taso ni li kama ala. tenpo sike nanpa LLLTWALLLT la ma Alensina li weka e lawa pi ma Epanja la ma Alensina li lawa e ona sama. ma Alensina li pali e tomo lon ma Pokulan lon tenpo sike nanpa LLLTWAM. ona li pana e nimi Mawina (toki Epanja: Malvinas). taso la tomo tawa telo utala pi ma Mewika li pakala li weka e ma tomo ni la ma Juke li kama lawa sin e ma Pokulan lon tenpo sike nanpa LLLTWAMLLTW.
utala pi tenpo sike nanpa LLLTTAMMMMT
[o ante | o ante e toki ilo]ale insa pi tenpo sike nanpa LLLTWAMLLTW pi tenpo sike nanpa LLLTTAMMMMT la ma Juke li lawa e ma Pokulan. taso la ma Alesina li pana e kulupu utala pi pali wawa tawa ma Pokulan lon suno nanpa tu pi mun nanpa tu tu pi tenpo sike ni. ona li kama lawa e ma Pokulan.
kulupu pi utala ala pi ma kulupu wan li toki e ni tawa ma Alensina: ona li wile pini utala li wile toki tawa ma Juke. ni li kama e pona. taso la ma Alensina li awen lon ma Pokulan lon tenpo esun LT la kulupu utala pi ma Juke li tawa lon linja LLTAAA tawa ma Pokulan. ona tu li utala lon kon lon telo. pini ni la ma Juke li kama lon ma li utala lon suno nanpa MW pi mun nanpa luka. ma Alensina li pini wile utala lon suno nanpa LLTT pi mun nanpa LW.
kulupu utala Juke li poki e jan utala Alensina WALLTWALLTW li moli e ona LWAMMLL. jan wan pi jan tu pi ona LWAMMLL li moli lon tomo tawa telo ARA General Belgrano. tomo telo HMS Conqueror pi ma Juke li pakala e tomo ni la ona li tawa anpa telo. jan utala TAMMLLLTW pi ma Juke li moli.
pini utala
[o ante | o ante e toki ilo]pini utala la ma Juke en ma Alensina li pini pona tawa ona ante, taso tenpo sike nanpa LLLTTAMMMMLL la ni li kama pona sin.