unpa
sina ken lukin e sona pi nasin sijelo jan lon lipu ni. taso sina wile pona e sijelo sina la o toki tawa jan pi sona sijelo lon. jan pali pi lipu Wikipesija li ken ala pona e sijelo sina.
unpa la ijo sijelo[a] li wan e sijelo ona tawa pilin pona, anu tawa mama, anu tawa wile tu.
unpa mama la ijo sijelo li unpa tawa wile ni: ijo sijelo sin li kama lon. jan la jan li pana e telo mama lon lupa mama la, ni li ken pana e jan lili.
unpa musi la ijo sijelo li musi tan unpa. ken la ona li pali sama unpa mama. ken la ona li unpa mama ala sama unpa uta.
ijo sijelo li ken unpa tan wile tu ni.
jan la tenpo mute la jan unpa li jan olin. taso kin la ni li ken ala lon. kin la unpa li ken tan utala unpa. ni li ike mute.
tenpo mute la meli li unpa e mije. taso meli li ken unpa e meli. kin la mije li ken unpa e mije. kin la meli en mije li ken unpa e tonsi. kin la tonsi li ken unpa e tonsi. tenpo mute la jan ni li lon kulupu kule. taso jan ante li lon kulupu kule ala, li unpa e jan pi kon sama.
kin la ijo sijelo li ken unpa e ona.
unpa jan
[o ante | o ante e toki ilo]unpa mama
[o ante | o ante e toki ilo]unpa pi pali lon la, jan li lon insa lupa mama pi jan ante kepeken palisa unpa ona. palisa mama li ken pana e telo mama tawa lupa mama. telo mama la kipisi jan lili(?) li tawa kipisi mama awen(?) lon poki mama(?). kipisi mama tawa li alasa e kipisi mama awen. ona li wan e ona la, jan lili li ken open kama.
unpa musi pi jan tu anu jan mute
[o ante | o ante e toki ilo]tawa jan mute la unpa li musi. kin la pini unpa li ken musi mute.
unpa ni li ken sama unpa mama. ante la jan li ken insa lupa unpa ante. lupa uta en lupa monsi li ken lupa unpa tawa jan mute. jan li ken lon insa lupa ale ni kepeken palisa mama, kepeken palisa luka, kepeken ilo unpa. kin la unpa musi mute la palisa jan li lon ala insa lupa. ken la ona li luka e palisa mama, anu selo pi lupa unpa, anu nena sijelo. kulupu kule la jan li unpa sama ni lon tenpo mute.
unpa pi jan wan
[o ante | o ante e toki ilo]jan wan li unpa tan musi. jan li luka e palisa mama, anu nena sijelo, anu selo pi lupa mama, anu lupa mama, anu lupa monsi kepeken palisa luka ona anu kepeken ilo unpa. tenpo mute la unpa luka li pilin e palisa anu lupa anu nena mama kepeken luka. ilo unpa ante li lon. jan li ken sike e palisa mama kepeken ilo unpa. ilo unpa ante li tawa.
pona unpa en ike unpa
[o ante | o ante e toki ilo]pona
[o ante | o ante e toki ilo]pona tu li lon: pana pi jan lili en pilin pona.
ike
[o ante | o ante e toki ilo]pakala sijelo mute li tan unpa. ken la jaki lili li kama lon tenpo unpa jan.