wile pi unpa noka
wile pi unpa noka li nasin unpa. nasin ni la, jan li olin e noka jan, li wile unpa e ona. wile pi unpa noka li nasin suli lon wile pi unpa ijo.
nasin en wile sama
[o ante | o ante e toki ilo]noka la, jan pi wile ni li ken olin e ijo mute. ona li ken olin e palisa noka, e noka lili, e noka suli, e len noka. jan Simu Pe (toki Tosi la: Sigmund Freud) li toki e ni: jan li ante e noka kepeken len la ni li tan wile pi unpa noka. jan ante li toki e ni: jan Simu Pe li jo e sona ike. tenpo sike nanpa 1994 la, jan sona li kama sona e ni: jan li wile unpa e noka la mute 45% li olin e kon jaki noka.
nanpa pi jan ni
[o ante | o ante e toki ilo]tenpo sike nanpa 2006 la, jan pi kulupu AOL li pana e sona ni: nimi Inli "fetish" la, wile sona nanpa wan li toki e unpa noka. ma Pesije la, jan sona li kama sona e ni:
- jan mije la mute 17% li olin e noka
- jan meli la mute 4% li olin e noka
jan suli pi wile ni
[o ante | o ante e toki ilo]jan suli la jan ni li wile pi unpa noka:
- jan Alesante Pusin
- jan Pilosotatu (toki Inli la: Philostratus)
- jan Iti Elepa (toki Inli la: Idris Elba)
- jan Lutaki (toki Inli la: Ludacris)