tomo sona Lesa

tomo sona Lesa (toki Inli la: Lakeside School, "tomo sona lon poka pi telo suli") li tomo sona lon ma Sijato lon ma Wasinton lon ma Mewika. ona li jo e jan lili LTTA^[nnp] lon kipisi tan nanpa luka tawa nanpa luka luka tu. ona li jo e tomo sona anpa e tomo sona sewi.

tenpo sike LLLTTALLLTT la, ona li kama lon. tomo sona Lekisa li jo e mani Tala TAMMMAAA^[nnp]. tenpo sike LLLTTAMMML la ona li lon e nasin kama sona pi tenpo seli. nasin ni li pona e kulupu mute pi jan ante li pana sona e kulupu nanpa wan pi jan lili Mewika Apika.

wile jan la tomo sona Lesa li pana e mani tawa kulupu mama pi mani lili. jan suli tan tomo sona ni li jan Pile Ke li jan Pa Alen li jan Eni Lena li jan Atan We li jan Kopin Kewa li jan Pu Katena.

tenpo pini

tenpo sike LLLTTALLLTT la, jan Pen Mowen (toki Inli la: Frank Moran) li lon e tomo sona Mowen Lesa lon poka pi telo suli Wasinton. tan pi tomo sona ni li pana e mije lili tawa tomo sona ante pi jan Mowen. tenpo sike LLLTTAMTW la, kulupu pi mama mute li tawa e tomo sona tawa ma ante. tenpo sike LLLTTAMLTT la, tomo sona li tawa ma pi telo ala. ma ni la, tomo tu tu li kama lon: ona li tomo lape pi jan MLL li tomo moku. tenpo kama la, tomo sona ni li kama jo e nimi "Lesa" li kama suli kepeken tomo sin. tenpo sike LLLTTAMMML la, tomo sona Lesa en tomo sona pi jan ale lon ma Sijato li open e nasin kama sona pi tenpo seli. tenpo sike LLLTTAMMMLLW la, jan li pini lape lon tomo sona Lesa. tenpo sama la, ona en tomo sona meli Senikola li kama wan.

nasin sona

tomo sona Lesa la, kulupu sona pi suli insa li jo e jan luka luka luka tu. nasin mute pi sona jan li kepeken nasin Anke. nasin sona mute lon tomo sona ni li pana e nanpa nasa ala pi ken sona tawa jan pi kama sona. nasin sona ante li sona e ken pi jan lili kepeken nasin pi nanpa tu tu.

jan pi tomo sona Lesa li kama sona e toki Inli e sona nanpa e nasin sona e tenpo pini e toki ante e tawa sijelo musi e pona sijelo e ijo pi pana pilin. kin la, jan pi tomo sona Lesa li tawa lon ma li pali tawa pona kulupu ona. jan li ken kama sona e ijo sin kepeken nasin ona lon lawa pi jan sona.

nimi tawa