tomo nena pi jan Kupu

tomo nena pi jan Kupu li tomo nena suli lon ma tomo Kisa^(?) pi ma Masu. ona li suli nanpa wan lon kulupu pi tomo nena pi ma tomo Kisa^(?) tan ni la jan mute la ona li "tomo nena suli pi ma tomo Kisa". ona li ijo wan lon ijo wawa luka tu pi sike ma majuna^(?), li ijo awen taso tan ona. ona li poki moli tawa jan lawa Kupu pi ma Masu majuna. jan li pali e ona lon tenpo sike nanpa 2600 pi jan Jesu ala anu sama kepeken tenpo sike 26 anu sama.

pali ona li pini la ona li suli sewi pi suli linja Meta 146.5. mute pi tenpo pini la, ona li suli nanpa wan lon sewi. ona li leko 23 000 000 anu sama.