tomo moku pi ma tomo Pinli
tomo moku pi ma tomo Pinli anu tomo Pinli Meka Sipi (toki Inli la: Binley Mega Chippy) li tomo moku lon ma tomo Pinli lon ma Kopensi lon ma Inli. tenpo sike nanpa 2004 la ona li open. tenpo sike nanpa 2022 la jan mute li kama sona e ona tan ni: jan li toki e ona kepeken sitelen musi lon kulupu pi ilo sona. jan tan ma mute li tawa ona tan sitelen musi ni.
tan pi sitelen musi
[o ante | o ante e toki ilo]tenpo sike nanpa 2022 la tomo moku pi ma tomo Pinli en tomo moku ante pi ma Inli li lon sitelen tawa pi ilo Sito. jan mute li lukin e sitelen tawa ni. tenpo mun wan li pini la jan ante li pali e sitelen musi mute lon tomo moku. jan ante li pali e kalama musi lili lon ona. kalama musi ni li kama ijo suli pi sitelen tawa lon tomo Pinli Meka Sipi.
jan mute li sona e ona
[o ante | o ante e toki ilo]jan mute li sona e tomo Pinli Meka Sipi la jan mute li kama tawa ona tan ma mute. ni li ma Mewika li ma Kanse li ma Oselija li ma Potuke li ma ante. jan lawa pi ma lili Mitelen pi pini suno li tawa ona.
pilin pi jan pali
[o ante | o ante e toki ilo]jan pali lon tomo moku li pilin pona tan ni: jan mute li tawa ona. taso jan pali ante li pilin ike tan ona.