toki tenpo
toki tenpo anu toki taso[1] li sitelen anu kalama uta tan jan ni: ona li wile toki e sona tenpo tawa jan ante. ni la, ona li toki e ijo mute sama, anu pali mute sama, lon nasin tenpo. ijo li ken kama jan pi toki tenpo. ona li jan wan anu kon wile pi ala sona. jan pi toki tenpo li wile pana e sona tenpo ni. mute la, ona li pana e nasin pi sona tenpo. lon sona tenpo la, jan pi toki tenpo li ken kama ni:
- nasin lukin pi jan toki(?) la, jan pi toki tenpo li jan lon insa pi sona tenpo ni kin. ni la, jan pi toki tenpo li kepeken nimi "mi". toki lili la, ona li toki e ona.
- nasin lukin pi jan kute(?) la, jan kute anu jan lukin li jan lon insa pi sona tenpo ni. ni la, jan pi toki tenpo li kepeken nimi "sina". toki lili la, ona li toki e sina. taso, nasin ni li weka mute a.
- nasin lukin pi jan ante(?) la, jan ante li jan lon insa pi sona tenpo ni. ni la, jan pi toki tenpo li kepeken nimi "ona". toki lili la, ona li toki e jan ante.
sona tenpo li lon sitelen toki la, toki tenpo li lon ona ale lon tenpo ale. taso, sona tenpo li lon ijo ante, sama sitelen tawa, sama musi ante la, toki tenpo li ken lon ona ala, tan ni: jan li ken kama sona e sona tenpo tan sijelo sitelen, anu tan pali jan, anu tan ijo ante.
- ↑ ni li tan lipu Kemeka. mi lukin e ni lon tenpo 2025-03-17.