toki ilo Si

sitelen pi toki ilo Si

toki ilo Si (toki Inli la: C /siː/) li toki ilo. jan Teni Wisi^(?) li mama e ona lon sike nanpa 1973. suli la, nasin toki ona li poka mute tawa nasin toki pi insa ilo. mute la, jan li kepeken ona tawa ilo lawa. ilo Linu la, lipu mute pi toki ilo li kepeken toki ni.

ona li sama toki pona tawa toki ilo ante. ona li lili li jo ala e ken mute; taso, jan li pali e ijo mute pi suli a kepeken ona.

toki ilo Sipapa li suli e toki ilo Si li pana e ken sin mute tawa ona.

nasin toki

"toki, ma ale o!" kepeken toki ilo Si:

#include <stdio.h>

int main(void) { 
  puts("toki, ma ale o!"); 
  return 0; 
}