toki Sensa

toki Sensa
*svenska*
toki Sensa svenska
kalama	[ˈsvɛ̂nːska]
ma	ma Sensa; ma Sumi
kulupu toki	Palata Elopa
nasin sitelen	sitelen Lasina
nanpa toki
ISO 639-1	sv
ISO 639-2	swe
ISO 639-3	swe

toki Sensa (svenska) (anu toki Wensa) li toki lon ma Sensa lon ma Sumi. jan 10,000,000 li toki e toki Sensa.

kalama toki

toki Sensa li jo e kalama mute. o lukin e ni:

kalama pi kon lili
	selo uta	pini pi palisa uta
	selo uta	kiwen uta / nena	supa kiwen	supa suwi	lupa kon
lon nena	m	n
open ala	p b	t d		k g
kon wawa	f v	s	ɕ	ɧ	h
kalama sike		r, ʀ
kon suwi		l	j

kalama pi kon mute
	sinpin uta		insa uta		monsi uta
	sike ala	sike	sike ala	sike	sike ala	sike
sewi	ɪ i:	ʏ yː		ʉ:		ʊ uː
sewi lili	e:	ø:		ɵ		oː
anpa lili	ɛ ɛ:	œ		ɵ		ɔ
anpa			a		ɑ:

nasin sitelen

jan li sitelen e toki Sensa kepeken sitelen Lasina. nasin sitelen Sensa li jo e sitelen lili pi Lasina ala tu wan. ona li sitelen Å li sitelen Ä li sitelen Ö.

ni li kulupu sitelen Sensa li nimi sitelen li kalama sitelen:

sitelen lili pi toki Sensa
sitelen	nimi sitelen	kalama	kalama sama pi toki pona	sitelen	nimi sitelen	kalama	kalama sama pi toki pona
Aa	a [ɑ:]	[a], [ɑː]	pali	Pp	pe [peː]	[p]	pilin
Bb	be [beː]	[b]	pali, taso kepeken linja kalama	Qq	qu [kʉː]	[k]	kili
Cc	ce [seː]	[s], [k]	sike / kalama	Rr	err [ɛrː]	[r(:)]/[ʀ]/[ɹ]	kalama li ala lon toki pona.
Dd	de [deː]	[d]	taso, taso kepeken linja kalama	Ss	ess [ɛsː]	[s]	sama
Ee	e [eː]	[ɛ], [eː], [ə]	ken	Tt	te [teː]	[t]	telo
Ff	eff [ɛfː]	[f(:)]	kalama li ala lon toki pona. ona li lili sama "w", taso sina kepeken e kiwen uta e kalama linja ala.	Uu	u [ʉː]	[ɵ], [ʉː]	kalama li ala lon toki pona. taso ona li lon insa meso e "u" e "i".
Gg	ge [geː]	[g], [j], [ɧ]*	kala, taso kepeken linja kalama, jelo	Vv	ve [veː]	[v]	kalama li ala lon toki pona. ona li lili sama "w", taso sina kepeken e kiwen uta e linja kalama.
Hh	hå [hoː]	[h]	kalama li ala lon toki pona. o kon tan uta kepeken kalama linja ala.	Ww	dubbelve [ˌdɵbːəl.ˈveː]	[v]
Ii	i [iː]	[ɪ], [iː]	lipu	Xx	ex [ɛks]	[ks], [s]	k lon nimi kala en s lon nimi selo
Jj	ji [jiː]	[j]	jo	Yy	y [yː]	[ʏ], [yː]	kalama li ala lon toki pona. taso ona li lili sama "i", taso sina kepeken e uta sike.
Kk	kå [koː]	[k], [ɕ]	kala	Zz	zäta [ˈsɛːta]	[s]	selo
Ll	ell [ɛlː]	[l]	lipu	Åå	å [oː]	[ɔ], [oː]	pona
Mm	em [ɛmː]	[m]	moku	Ää	ä [ɛː]	[ɛ], [ɛː]	telo
Nn	en [ɛnː]	[n]	nena	Öö	ö [øː]	[øː], [œ]	kalama li ala lon toki pona. taso ona li lili sama "e", taso sina kepeken e uta sike
Oo	o [uː]	[ʊ], [uː], [ɔ], [oː]	uta, moku	*taso lon nimi tan toki ante

sitelen Sensa li jo e kulupu mute pi sitelen lili. ona li jo e kalama ante:

kulupu pi sitelen lili
sitelen	kalama	*sona sin
sj, skj, stj, sch	[ɧ]
sk	[ɧ]	taso lon sinpin pi sitelen e, i, y, ö, ä lon sinpin sitelen a, o, u, å la kalama li [sk]
xj	[kɧ]	taso lon nimi Växjö (ma tomo lon ma Sensa). ante la kalama li [ksj]
ch	[ɧ] / [ɕ] / [k]	lon nimi och la kalama li [k] ante la nimi li tan toki ante.
ck	[k]
tj, kj (k)	[ɕ]	lon sinpin sitelen e, i, y, ä, ö la sitelen k li jo e kalama ni
lj, dj, gj (g)	[j]	lon sinpin sitelen e, i, y, ä, ö la sitelen g li jo e kalama ni
ti, si	[ɧ]	lon sinpin sitelen o lon nimi tan toki ante. nimi li ken nimi station anu nimi passion
zz	[ts]	lon nimi tan toki ante

nasin toki

nasin pi kulupu nimi

kulupu nimi suli

nasin pi kulupu nimi Sensa li nasin SVO (jan pali, pali, ijo pi pali ala). taso ona li ken ante. lawa suli kin li ni: nimi pali li nimi nanpa tu lon kulupu nimi. taso lon kulupu nimi pi wile sona la nimi pali li nanpa wan. o lukin e ni:


toki Sensa	nimi lon toki pona	kulupu nimi lon toki pona	sona
Jag äter ett äpple	mi moku wan kili	mi moku e kili	toki Sensa li jo ala e nimi e pi toki pona. tenpo mute la kulupu nimi e li lon monsi pi nimi pali.
Har huset en dörr?	jo tomo wan lupa?	tomo li jo ala jo e lupa?	lon toki pi wile sona, la nini pali li nanpa wan. toki Sensa li jo ala e nimi li pi toki pona.
Mannen ser inte dörren	mije lukin ala lupa	mije li lukin ala e lupa	nimi ala (inte) li kama lon monsi pi nimi pali.
Om den är bra, tar jag den	"la" ona "li" pona, lanpan mi ona	ona li pona, la mi lanpan e ona	kulupu nimi lili li lon sinpin kulupu suli, la nimi pali li awen lon nanpa tu. nimi pi jan pali (jag) li lon monsi pi nimi pali.

kulupi pi nimi ijo

lon kulupu pi nimi ijo la nimi ijo li lon pini. nimi ante li lon sinpin pi nimi ijo.

Ett stort hus (tomo suli)
Många väldigt bra böcker (lipu mute pi pona mute)
Min konstiga telefon (ilo toki nasa mi)

nimi jan

toki Sensa li ante e nimi jan tan ni: nimi jan li toki e nasin pali jan. jan li pali e ijo la toki Sensa li kepeken nimi jan. ijo pali e jan la toki Sensa li kepeken nimi jan ante. toki Sensa li ante kin e nimi jan tan ni: nimi jan li toki e nanpa jan.

nimi jan
jan li...	...e jan	jan li jo e ijo
jag (mi)	mig (...e mi)	min, mitt, mina (... mi)
du (sina)	dig (...e sina)	din, ditt, dina (... sina)
han/hon/hen (ona (jan))	honom/henne/hen(om) (...e ona)	hans/hennes/hens (... ona (jan))
den/det (ona (ijo))	den/det (...e ona (jan ala))	dess (... ona (ijo))
vi (mi mute)	oss (...e mi mute)	vår, vårt, våra (... pi mi mute)
ni (sina mute)	er (...e sina mute)	er, ert, era (... pi sina mute)
de (ona mute)	dem (...e ona mute)	deras (... pi ona mute)

nimi ijo

kulupu nimi

toki Sensa li jo e kulupu tu pi nimi ijo. kulupu ni li ante e nimi ante. o lukin e ni:

stort hus (tomo suli)

stor växt (kasi suli)

nimi stor (suli) li ante. nimi hus en nimi växt li lon kulupu tu ante.

nanpa ijo en sona ijo

toki Sensa li ante e nimi ijo tan ni: nimi ijo li toki e nanpa ijo. nimi ijo li toki e ni kin: jan toki li sona ala sona e ijo?

ante pi nimi ijo
wan		mute
ijo pi sona ala	ijo sona	ijo pi sona ala	ijo sona
ett hus (tomo)	huset (tomo ni)	hus (tomo mute)	husen (tomo mute ni)
en växt (kasi)	växten (kasi ni)	växter (kasi mute)	växterna (kasi mute ni)
en bok (lipu)	boken (lipu ni)	böcker (lipu mute)	böckerna (lipu mute ni)
en kvinna (meli)	kvinnan (meli ni)	kvinnor (meli mute)	kvinnorna (meli mute ni)

nimi ijo li jo e ijo la sitelen lili -s li namako lon monsi nimi. nimi jo li sinpin nimi ijo. o lukin e ni:

husets växt (kasi tomo)

böckernas text (sitelen pi lipu mute)

nimi pali

toki Sensa li ante e nimi pali tan ni: nimi pali li toki e tenpo e nasin pali. nimi pali li ken toki e tenpo luka: tenpo pini lon tenpo pini, tenpo pini lon tenpo ni, tenpo pini, tenpo ni, en tenpo kama. nimi pali li ken toki e nasin pali tu wan: nasin lon, nasin o, nasin pi ante lon. jan li ala kepeken mute e nasin pi ante lon. sama toki pona la toki Sensa li ante ala e nimi pali tan ni: jan seme li pali.

nimi pali li lon kulupu tu tu wan. lon kulupu nanpa wan la nimi pali li kama jo e pini -ar lon tenpo ni. kulupu ni li jo e nimi pali mute, li jo e nimi pali tan toki ante. kulupu nanpa tu la nimi pali li kama jo e pini -er lon tenpo ni li jo e pini -t lon ante nimi Supinun. kulupu nanpa tu wan la nimi pali li kama jo e pini -r lon tenpo ni. kulupu nanpa tu tu la nimi pali li kama jo e pini -er lon tenpo ni, li kama jo e pini -it lon ante nimi Supinun, li jo e ante pi insa nimi lon tenpo pini lon ante nimi Supinun. kulupu nanpa tu tu wan la nimi pali li jo e lawa ala.

nimi pali ante
	tenpo ala	tenpo ni	tenpo pini	tenpo pini lon tenpo ni har + ante Supinun	tenpo pini lon tenpo pini hade + ante Supinun	tenpo kama ska + tenpo ala	nasin o ("o lon")	nasin pi ante lon ("ona li lon la ...")
1	älska (olin)	älskar	älskade	har älskat	hade älskat	ska älska	älska	älskade
2	tycka (isipin)	tycker	tyckte	har tyckt	hade tyckt	ska tycka	tyck	tyckte
3	må (pilin)	mår	mådde	har mått	hade mått	ska må	må	mådde
4	skriva (sitelen)	skriver	skrev	har skrivit	hade skrivit	ska skriva	skriv	skreve*
5	vara (lon)	är	var	har varit	hade varit	ska vara	var	vore
5	gå (tawa)	går	gick	har gått	hade gått	ska gå	gå	ginge*

*jan pi mute ala li toki kepeken ante nimi ni.