toki Topisin
| toki Topisin
Tok Pisin | |
|---|---|
 | |
| kalama | /tɒk ˈpɪsɪn/ |
| ma | ma Papuwanjukini |
| kulupu toki | Kijo
|
| nasin sitelen | sitelen Lasina |
| nanpa toki | |
| ISO 639-2 | tpi |
| ISO 639-3 | tpi |
| Glottolog | tokp1240 |
| Linguasphere | 52-ABB-cc |
toki Topisin (toki Topisin la: Tok Pisin) anu toki Pisin li toki wan tan ma Papuwanjukini. ona li kama tan toki Inli tan toki Tosi tan toki Malasija tan kulupu toki Osonesija tan toki mute pi ma Papuwanjukini. taso, toki Inli li tan lawa ona. ma Papuwanjukini li jo e toki mute mute la, toki Topisin li toki lawa li toki nanpa wan lon ma ni. jan li toki tawa kulupu jan ante la, kulupu jan pi toki ante li kepeken ona.
toki Ilimotu li toki pini nanpa wan tan ma Pauwanjukini. tenpo ni la, toki Topisin li lawa lon toki Ilimotu. taso kin la toki Ilimotu li toki mute.
toki Topisin li pana e nimi mute tawa toki pona. kin la, nimi "toki" li kama tan nimi Tok lon toki Topisin.
nimi lon toki pona tan toki Topisin
[o ante | o ante e toki ilo]toki mute li pana e nimi ona tawa toki pona. toki ni li pana e nimi la toki Topisin li toki nanpa wan. ona li pana e nimi luka luka luka wan.
- bagarap → pakala[nimi]
- bilong* → pi[nimi]
- bokis → poki[nimi]
- insait → insa[nimi]
- kamap → kama[nimi]
- liklik → lili[nimi]
- long → lon[nimi]
- lukim → lukin[nimi]
- meri → meli[nimi]
- namba → nanpa[nimi]
- nasau** → nasa[nimi]
- pilim → pilin[nimi]
- pinis → pini[nimi]
- suwi → suwi[nimi]
- tasol → taso[nimi]
- tok → toki[nimi]
*jan mute pi toki Topisin la toki la ni li nimi blong anu blo. lon lipu Pipija anu lipu pi ijo sin la, ni li nimi bilong pona.
**tan lipu nimi mute pi toki Topisin, nimi nasau li lon ala. ni li ken lon tan nimi narakain (sama ala; nasa lon kulupu) taso ni li sona ala.
toki lon toki Topisin
[o ante | o ante e toki ilo]toki pi ken jan pi ma ale nanpa wan lon toki Topisin:
Yumi olgeta mama karim umi long stap fri na wankain long wei yumi lukim i gutpela na strepela tru. Yumi olgeta igat ting ting bilong wanem samting i rait na rong na mipela olgeta i mas mekim gutpela pasin long ol narapela long tingting bilong brata susa.
lon toki pona la ni li:
ken sama en suli sama la, jan ale li kama lon. ona li jo e nasin sona e nasin pona. olin la, jan ale o pali lon poka.