toki Anku

toki Anku anu toki Soson
*한국어 anu 조선어*
toki Anku anu toki Soson 한국어 anu 조선어
kalama	[ha(ː)n.ɡu.ɡʌ] anu [tso.sɔ.nɔ]
ma	ma Anku; ma Soson; ma Sonko;
kulupu toki	Anku
toki pi tenpo pini	toki Anku pi tenpo pini toki Anku pi tenpo insa toki Anku open; ;
nasin sitelen	sitelen Anku
nanpa toki
ISO 639-1	ko
ISO 639-2	kor
ISO 639-3	kor
Glottolog	kore1280
Linguasphere	45-AAA-a
	ma pi toki Anku mute ma pi toki Anku lili jan lili mute pi toki Anku li lon

toki Anku (toki Anku la: 한국어 anu 조선어 [ha(ː)n.ɡu.ɡʌ] anu [tso.sɔ.nɔ]) li toki. ma Anku en ma Soson li kepeken toki ni. jan pi ma Sonko li toki kin e ni. tenpo pini la jan pi ma Anku en ma Soson li sitelen e toki ni kepeken sitelen Kansi, taso tenpo ni la jan mute pi ma Anku en ma Soson li sitelen e toki Anku kepeken sitelen Anku.

kalama

kalama pi pini uta

		open uta	kiwen sinpin uta	kiwen sinpin en kiwen sewi uta	ko sewi uta	lupa uta
nena sinpin		m	n		ŋ
pini uta	wawa ala	p	t		k
	lupa wawa	p͈	t͈		k͈
	kon wawa	pʰ	tʰ		kʰ
pini uta en pini lili uta	wawa ala			t͡s anu t͡ɕ
	lupa wawa			t͡s͈ anu t͡ɕ͈
	kon wawa			t͡sʰ anu t͡ɕʰ
pini lili uta	wawa ala		s anu ɕ			h
pini lili uta	lupa wawa		s͈ anu ɕ͈
open lili uta		w	l	j

kalama /ŋ/ li kama taso lon pini pi kulupu kalama

kalama pi uta open li lon poka tu pi kalama /l/ la, kalama /l/ li kama kalama /ɾ/

kalama /s/ la kalama /i/ anu kalama /j/ li kama la, kalama /s/ li kama kalama /ɕ/

toki Anku pi ma Anku seli la, tenpo pini la kalama /l/ li ken ala kama lon open nimi. ni la kalama /l/ li weka anu kama kalama /n/. kama ni li nimi 두음법칙 (nasin pi open nimi). tenpo ni la kalama /l/ li ken kama lon open nimi, taso nimi pi tenpo pini tan toki Sonko li ante lon open nimi tan ni.

kalama pi open uta

	sinpin		monsi
sewi	i	(y)	ɯ	u
insa	e	(ø)	ʌ	o
anpa	a
kalama tu	ja jʌ jo ju je wa wʌ we wi ɰi

kulupu lawa pi toki Anku li toki e ni: kalama /y/ en kalama /ø/ li lon. taso jan mute li kepeken kalama [wi] li kepeken kalama [we] tawa ni.
tenpo pini la kalama /ɛ/ en kalama /e/ li lon. jan mute pi tenpo ni la ona tu li sama li insa pi kalama tu ni.

ijo ante

jan Anku li kepeken toki ante tan ni: jan kute li sewi anu anpa tawa ona. nasin toki ni mute li lon, taso kulupu suli tu li ken lon: toki sewi en toki anpa. pini toki pi toki sewi en ona pi toki anpa li ante. o lukin la jan li kepeken toki sewi tawa jan pi pana sona, tawa mama ona. taso jan li kepeken toki anpa tawa jan lili. sina kepeken toki anpa tawa jan pi pana sona la ona en jan ante li pilin nasa. ike la jan sina pi pana sona li utala e sina.

toki sewi: -요(yo), -입니다(imnida), -입니까?(imnikka?), -이에요(ieyo); toki anpa: -야(ya), -니?(ni?), -냐?(nya?)

종이(jong-i) li lipu lon toki Anku. o lukin la '종이입니다' li toki e ni: jan suli o, ni li lipu. taso '종이야' li toki e ni: jan pona o, ni li lipu.

linja tawa

lipu Wikipedia pi toki Anku li lon.