o tawa ijo lipu

toki Sitasama

tan lipu lipu Wikipesija

toki Sitasama (lon toki Sitasama: Jitasama, kepeken nasin sitelen IPA: [ʒitasama]) li toki pali, kepeken sona mute la, ona li toki pali pi ma ale, taso ona li wile ala weka e toki ante. ni la, ona li wile kama toki nanpa tu pi ma ale.

nimi ona li tan toki suli nanpa wan pi nanpa 15 pi ma ale. toki pona, toki Intelinwa, en toki pi ma kulupu Kalipi pi pali tan toki suli pi lawa e ona lon tenpo weka li pana e sona tawa nasin pi kepeken e nimi lon toki Sitasama. tan ni la, toki ni li ken kama jo e kulupu a priori. jan Entu Maje (Andrew Meyer) li open pali e ona lon sike 2019, li pana e ona tawa linja ilo lon sike 2020. taso, tenpo ni la, nimi ona li Sita Ona (Jita Ona).

nimi ale pi toki Sitasama li tan toki ni: toki Inli, toki Sonko, toki Insi, toki Epanja, toki Alapi, toki Intonesija, toki Losi, toki Panla, toki Potuke, toki Kanse, toki Tosi, toki Nipon, toki Pasi/toki Ilan, toki Sawili en toki Pilipino/toki Takalo[1]

mu en nasin pi kepeken e nimi

[o ante | o ante e toki ilo]

mu awen lon uta[2]

[o ante | o ante e toki ilo]
kepeken linja uta tu mu pali lon sewi monsi kiwen uta kepeken monsi uta
nena m n k g
pini lili p b t d
pilin lili pi ko uta ɾ
pakala f s ʒ
linja uta li poka l

mu pi ken kon

[o ante | o ante e toki ilo]
sinpin monsi
pini i u
insa e o
open a

mu pi mu tu

[o ante | o ante e toki ilo]

mu pi mu tu lon toki Sitasama li ni: uo, ui, ue, ua, iu, io, ie, ai, ou, oi, eu, ei, au, ia.

nasin nimi pi toki Sitasama li SVO (ijo pali, pali, ijo pi alasa e pali).

jan li wile pana e toki wile la, ona o sewi e kalama ona poka pini toki.

tu tati jitasama - sina toki e toki Sitasama.

tu tati jitasama? - sina ken ala ken toki e toki Sitasama?

nimi pi pana e tenpo tawa toki

[o ante | o ante e toki ilo]
  • dulu - tenpo weka
  • puri - poka weka
  • ja - toki pona la, nimi ni li lon ala, taso jan li ken toki e nimi ni lon toki pona sama ni: mi pini e pali.
  • tadi - weka poka
  • sedan - nimi pi pana e lukin tawa ni: pali li awen lon
  • akan - nimi pi tenpo kama

nimi pi linja e nimi ante

[o ante | o ante e toki ilo]
  • i - en
  • o - anu
  • na - ala
  • dan - taso

nimi pi ijo mute

[o ante | o ante e toki ilo]

sina wile pana e lukin tawa ni: ijo ni li mute la, o kepeken e nimi fuju poka nimi pi alasa e ante.

kat - soweli tomo

kat fuju - soweli tomo mute

pali lon tenpo weka

[o ante | o ante e toki ilo]
  • sike 2022 mun 6 la, lipu pi ilo Pepu li kama lon.
  • sike 2023 mun 8 la, jan Visente Kosalako (Vicente Costalago) li pali e nasin pi ilo Panton lon toki Sitasama. ona li pona e pali pi jan pali pali ona sama ni: kepeken ona la, ona tu li sin e toki ni, li suli e nasin pi kepeken e nimi ona, sama ni: jan li wile toki pi ijo ale. tan ni la, ona o kama toki pi ken kepeken lon ijo ni ale.
  • sike 2023 mun 10 suno 30 la, ma toki lon toki ni lon ilo Siko li kama lon.
  • sike 2023 mun 9 la, len pi toki Sitasama li pali. len pi toki Sitasama la, suno li lon, tan ni: jan ale li anpa suno sama. ni la, toki nanpa wan pi toki Sitasama li ni: nus toto jindat anijde solna sama (ale mi li anpa suno sama). suno li jo e luka pi nanpa 15 tan ni: luka pi nanpa 15 li toki pi toki Sitasama li alasa e nimi.
  • sike 2025 mun 6 suno 23 la, toki Sitasama li ante e nimi ona tawa nimi ni: toki Paseju (Baseyu).[3][4]

ijo lon toki Sitasama

[o ante | o ante e toki ilo]

o lukin e ni

[o ante | o ante e toki ilo]
  1. ↑ https://jitasama.fandom.com/wiki/Introduction_(EN)
  2. ↑ https://static.wikia.nocookie.net/jitasama/images/6/68/Jitasama_grammar_2023.pdf/revision/latest
  3. ↑ https://www.facebook.com/jitaona
  4. ↑ https://www.reddit.com/r/jitasamaIAL/comments/1ipo9h1/jitasama_is_now_baseyu_and_has_a_new_reddit_page/
tan https://tok.wikipedia.org/w/index.php?title=toki_Sitasama&oldid=40555