toki Sankita

toki Sankita
*संस्कृत (Saṃskṛta-)*
toki Sankita संस्कृत (Saṃskṛta-)
kalama	[sə̃skɹ̩t̪əm]
ma	ma Palata
mute jan	jan wan ale mute mute wan ale mute luka luka luka[nnp] (tenpo sike nanpa mute ale wan (2001 kepeken nasin nanpa pona))
kulupu toki	Palata Elopa Palata-Ilan Palata-Elijan toki Sankita; ; ;
nasin sitelen	nasin sitelen Tewanakali; nasin sitelen Lasina
nanpa toki
ISO 639-1	sa
ISO 639-2	san
ISO 639-3	san
Glottolog	sans1269
toki li ni lukin
	toki pi ken jan pi ma ale [lipu tan]
	लोकः एकः लोकसत्ताकः लोकराज्यम् अथवा परिसंघः भवति। लोकशासनं संविधानस्य प्रारूपं भवति। लोकः स्वशासनं करिष्यति। सर्वे चेतना-तर्क-शक्तयः समानाः सन्ति। अपि च, सर्वेऽपि बन्धुत्व-भावनया परस्परं व्यवहरन्तु।

toki Sankita li toki lon ma Palata lon tenpo pini. tenpo ni la, ona li toki mama pi jan ala. taso, ona li suli tawa nasin sewi Intu tawa nasin kulupu jan pi ma Palata. tan ni la, ona li pana e ijo mute tawa toki mute lon poka pi ma Palata. jan li kepeken sitelen mute tawa toki Sankita. taso tenpo ni la, jan li kepeken mute sitelen Tewanakali e sitelen Lasina tawa sitelen ante. nasin sewi Intu la jan sewi Pama li pali e toki Sankita. tenpo ni la jan mute li ken toki kepeken toki ni.

nasin sitelen

nasin sitelen mute mute li ken sitelen e toki Sankita. jan li ken sitelen e toki Sankita lon nasin sitelen Tami lon nasin sitelen ante mute.

sitelen majuna^[nimi]

nasin sitelen Lasina	sitelen Kuta	sitelen Sitan	sitelen Kusila	sitelen Nakali	sitelen Lankana	sitelen Tewanakali
a
ā
i
ī
u
ū
ṛ
e
ai
o
au
k
kh
g
gh
ṅ
c
ch
j
jh
ñ
ṭ
ṭh
ḍ
ḍh
ṇ
t
th
d
dh
n
p
ph
b
bh
m
y
r
l
v
ś
ṣ
s
h

↑ sitelen Tewanakalai li jo e ante. mama pi sitelen li sitelen , mama pi sitelen li sitelen , mama pi sitelen li , mama pi sitelen li sitelen . nasin ante pi sitelen en nasin ante pi sitelen en nasin ante pi sitelen en nasin ante pi li sama sitelen lon nasin sitelen ante. ken la tenpo kepeken pi nasin sitelen Kuta li lon tenpo suli nanpa 4 li lon tenpo suli nanpa luka. kon pi nimi Kutila (Kusila) li sijelo mute li kepeken lon tenpo suli nanpa 6 tawa tenpo suli nanpa 10 li mama pi nasin sitelen Tewanalaki pi nasin sitele Panla^[1].

tenpo pini

toki Sankita li toki lon kulupu toki Palata Elopa li lon kulupu toki Palata Ilan, ona en toki Ilan majuna en toki Aweta li jo e linluwi^[nimi] mama^[2]. kulupu toki Palata Elopa la ona li toki pi kulupu Saten, ona en toki Elena li jo e nasin ante kalama sama.

lipu nanpa wan lon toki Sankita li lipu Likiweta li tan ma Punsapi li tan tenpo insa pi tenpo sike ale sinpin nanpa mute. jan li ken ala alasa e lipu pi tenpo sinpin mute, taso jan sona li pilin e ni: jan li pana e sona kepeken toki Sankita li kepeken toki, ni li suli tawa nasin sewi^[3].

jan li wile sona e ante pi toki Sankita la jan li ken lukin e lipu mute ni: lipu Samaweta en lipu Jasuweta en lipu Atawaweta en lipu Pamana en lipu Upanisa. sewi pi toki ni li lon, toki Sankita li ante ala li sama ala toki meso^[nimi] ante^[4].

lipu pi nasin toki pi toki Sankita pi majuna^[nimi] nanpa wan li lipu Atatejawi tan jan Panini lon tenpo sike ale sinpin nanpa tu tu. lipu ni li lon tan wan e nasin toki pi toki Sankita.

toki Sankita li toki meso ala li nasin toki sewi li nasin toki pona. ma Palata majuna la jan sewi taso li ken kama sona e toki Sankita.

toki Sankita Weta `vsn`

toki Sankita pi jan Panini li nasin ante pi toki Sankita Weta. jan sona mute la toki Sankita pi jan Panini en toki Sankita Weta en toki Sankita majuna li nasin pi sama ala pi toki Sankita, ona mute li jo e ijo sama, taso kalama en nimi en nasin toki li jo e ante, jan sona li ken sona lili e toki Sankita Weta. toki Sankita Weta li toki pi ijo Weta, lipu pi toki Sankita Weta li jo e toki pona mute tawa jan sewi e ijo pi nasin sewi, ona mute li lipu pi majuna nanpa wan pi nasin sewi Intu. jan pi sona toki la lipu Likiweta li majuna nanpa wan li lon toki Sankita Weta, tenpo sinpin la jan li toki e ijo pi lipu Likiweta, tenpo monsi la jan li sitelen e ijo pi lipu Likiweta. lipu Upanisa li pini pi toki Sankita Weta, toki Sankita li kama toki nanpa tu lon kama sona en nasin sewi tan toki nanpa wan lon kama sona en nasin sewi. ni li pana e open pi toki Sankita majuna.

toki Sankita majuna `cls`

tenpo pini la, toki Sankita li ante mute e ma Asija pi poka seli e ma Asija insa e ma Asija pi poka seli pi kama suno e ma Asija pi poka kama suno^[5]. toki Sankita majuna li suli mute, jan li ken alasa e ona lon lipu Lamajana en lipu Makapalatan. lipu ni la toki Sankita majuna lon lawa pi jan Panini ala, jan sona pi mute lili li pilin e ni: toki meso li ante e toki Sankita. jan sona li pana e nimi ni tawa ni: ārṣa (kon: ijo tan sewi). ma pi mute lili la, nasin toki pi toki Sankita majuna li kama meso li kama sewi ala. jan sona li pana e nimi toki Sankita pi nasin sewi Puta tan ni: ken la sitelen pi nasin sewi Puta li sitelen lon toki meso taso jan li pana e ijo lili pi toki Sankita li pali e toki sin.

jan Tewali la, toki Sankita li jo e kipisi tu tu li ni: paścimottarī (poka lete pi weka suno) en madhyadeśī (insa) en pūrvi (poka pi kama suno) en dakṣiṇī (poka seli).

kama sona lon ma Elopa

ma Elopa la jan Anki Ko (Heinrich Roth) en jan Jowan En Anleteb (Johann Ernst Hanxleden) li open e kama sona pi toki Sankita. tenpo monsi la jan Wilijan Son li alasa e kulupu toki Palata Elopa tan kama sona pi toki Sankita. ante la, kama sona pi toki Sankita li pana pona e kama sona lon tenpo pini toki pi ma Elopa.

tenpo suno nanpa tu pi tenpo mun nanpa tu pi tenpo sike nanpa 1786 la kulupu Asija (Asia Society) li lon ma tomo Kokata, jan Wilijan Son li toki e ni:

"tenpo ale la, toki Sankita li jo ala e pakala, ona li sama ni la toki Elina en toki Lasina li meso, taso nasin toki en nasin pi nimi pali la ona mute li sama, ni li nasa ala. toki tu wan ni li sama mute, jan mute pi sona toki li kama sona e toki tu wan ni la ona li pilin e ni: toki tu wan ni li jo e tan sama li tan toki moli wan. tan sama la, mi mute li jo e tan pi mute ala li ken pilin e ni: toki Kote en toki Ke li jo e nimi ante taso toki Sankita en ona tu li jo e tan sama. ken la toki Ilan li lon kulupu toki ni kin."

kalama

ni li kalama ale kepeken nasin IAST:

a ā i ī u ū ṛ ṝ ḷ ḹ e ai o au ṃ ḥ k kh g gh ṅ c ch j jh ñ ṭ ṭh ḍ ḍh ṇ t th d dh n p ph b bh m y r l v

kalama lili

sitelen lili	lon poka pi sitelen suli	nasin IAST (lipu Wikipesija pi toki Inli: International Alphabet of Sanskrit Transliteration)	IPA	toki Inli la	toki pona la
अ		a	/ə/ (anu /ɐ/）	about（anu bunny）	ala
आ	ा	ā	ɑː/	father（ma Juke）	ala
इ	ि	i	/i/	bead	i
ई	ी	ī	/iː/	feet	i (tawa tenpo suli)
उ	ु	u	/u/	boot	u
ऊ	ू	ū	/uː/	cool	u (tawa tenpo suli)
ऋ	ृ	ṛ	/ɻ/	burl	ala
ॠ	ॄ	ṝ	/ɻː/
ऌ	ॢ	ḷ	/ɭ/
ॡ	ॣ	ḹ	/ɭː/
ए	े	e	/eː/	face (ma Sukosi)	e (tawa tenpo suli)
ऐ	ै	ai	/ai/（anu /əi/）	bite	ala
ओ	ो	o	/oː/	pole (ma Sukosi)	o (tawa tenpo suli)
औ	ौ	au	/au/（anu /əu/）	now	ala

kalama suli

		selo uta Ōshtya		selo uta en kiwen uta Dantōshtya	kiwen uta Dantya		palisa uta li kama palisa ala Mūrdhanya		sewi kiwen Tālavya		kiwen ko Kanthya		monsi uta
pini Sparśa	pana kon ala Alpaprāna	p प [p]	b ब [b]		t त [t]	d द [d]	ṭ ट [ʈ]	ḍ ड [ɖ]	c च [c͡ç]	j ज [ɟ͡ʝ]	k क [k]	g ग [g]
pini Sparśa	pana e kon Mahāprāna	ph फ [pʰ]	bh भ [bʱ]		th थ [tʰ]	dh ध [dʱ]	ṭh ठ [ʈʰ]	ḍh ढ [ɖʱ]	ch छ [c͡çʰ]	jh झ [ɟ͡ʝʱ]	kh ख [kʰ]	gh घ [gʱ]
nena Anunāsika		m म [m]			n न [n]		ṇ ण [ɳ]		ñ ञ [ɲ]		ŋ ङ [ŋ]
sama kalama lili Antastha				v व [ʋ]					y य [j]
poka sijelo pi kalama lili ala Drava					l ल [l]		r र [r]
pini lili Ūshman					s स [s]		ṣ ष [ʂ]		ś श [ʃ]				ḥ ः [h]	h ह [ɦ]

nasin toki

nimi ante jan

toki Sankita la nimi ante jan ni li lon:

		ijo pana			ijo pana en ijo lanpan
		wan	tu	mute	wan	tu	mute
meso	nanpa wan	mi	vás	más	é	váhe	máhe
	nanpa tu	si	thás	thá	sé	ā́the	dhvé
	nanpa tu wan	ti	tás	ánti anu áti	té	ā́te	ánte anu áte
ante	nanpa wan	am	vá	má	í anu á	váhi	máhi
	nanpa tu	s	tám	tá	athā́s	ā́thām	dhvám
	nanpa tu wan	t	tā́m	án anu ús	tá	ā́tām	ánta anu áta anu rán
pini pali	nanpa wan	a	vá	má	é	váhe	máhe
	nanpa tu	tha	áthus	á	sé	ā́the	dhvé
	nanpa tu wan	a	átus	ús	é	ā́te	ré
o	nanpa wan	āni	āva	āma	āi	āvahāi	āmahāi
	nanpa tu	dhí anu hí anu ante	tám	tá	svá	ā́thām	dhvám
	nanpa tu wan	tu	tā́m	ántu anu átu	tā́m	ā́tām	ántām anu átām

nasin meso li lon nasin pi toki meso en nasin pi tenpo kama. nasin ante li lon nasin pi pali pini ala li lon nasin pi pali ken li lon nasin pi pali ken lon tenpo pini li lon nasin wile. nasin "o" li lon tenpo ni: ijo ante "o" pali tan wile pi ijo wan. nasin pi pini pali li lon nasin pi pini pali.

nanpa

wan tawa luka luka：

éka-
dvá-
trí-
catúr-
páñcan
ṣáṣ
saptán
aṣṭá
návan
dáśan

wan en tu en tu wan en tu tu taso li jo e ante.

	tu wan			tu tu
	mije	unpa ala	meli	mije	unpa ala	meli
ijo pana	tráyas	trī́ṇi	tisrás	catvā́ras	catvā́ri	cátasras
ijo lanpan	trīn	trī́ṇi	tisrás	catúras	catvā́ri	cátasras
ilo	tribhís		tisṛ́bhis	catúrbhis		catasṛ́bhis
ijo lanpan nanpa tu	tribhyás		tisṛ́bhyas	catúrbhyas		catasṛ́bhyas
weka	tribhyás		tisṛ́bhyas	catúrbhyas		catasṛ́bhyas
pi	triyāṇā́m		tisṛṇā́m	caturṇā́m		catasṛṇā́m
lon	triṣú		tisṛ́ṣu	catúrṣu		catasṛ́ṣu

sitelen

‌योगः चित्त-वृत्ति-निरोधः

ante toki:

nasin Joka li lawa e ante pilin.

रूपं शून्यता शून्यतैव रूपम्

ante toki:

ijo li ala, ala li ijo.

wawa

ma Palata

tenpo sike nanpa 1991 la jan 49,736 li toki kepeken toki Sankita lon ma Palata, jan li ken kama sona e toki Sankita li ken kute e toki Sankita lon ma Palata.

ma tomo lili ni lon ma Palata la jan ale li toki kepeken toki Sankita:

ma tomo Matu (Mattur) pi ma Kanataka^[6]
ma tomo Sili (Jhiri) pi ma Lasa pi ma Mateja Pate^[7]
ma tomo Kanota (Ganoda) pi ma Pansuwata pi ma Lasasan^[8]
ma tomo Pawali (Bawali) pi ma Pakapa pi ma Uta Pate
ma tomo Moka (Mohad) pi ma Nalasinpu pi ma Mateja Pate

toki Sonko

ma pi kulupu jan Wa la jan mute li lon nasin sewi Puta, nimi mute pi nasin sewi Puta li tan toki Sankita, o lukin e ni:

nimi 佛陀 (fótuó (majuna: bjut da), ni tu li tan nimi बुद्ध buddha jan sona ale)
nimi 禅那 (chánnà (majuna: dzyen na), ni li tan nimi ध्यान dhyāna sona insa)
nimi 菩提 (pútí (majuna: bu dej), ni li tan nimi बोधि bodhi (kili) sona ale)
nimi 菩萨 (púsà (majuna: bu sat), ni li tan nimi बोधिसत्त्व bodhi-sattva jan sona ale)
nimi 辟支佛 (bìzhīfó (majuna: bjiek tsye bjut), ni li tan nimi प्रत्येक बुद्ध pratyeka-buddha jan sama pi sona ale)
nimi 阿罗汉 (āluóhàn (majuna: 'a la xanH), ni li tan nimi अर्हत् arhat jo kon suli)
nimi 比丘 (bǐqiū (majuna: bjijX khjuw), ni li tan nimi भिक्षु bhikṣu jan pi nasin sewi)
nimi 比丘尼 (bǐqiūní (majuna: bjijX khjuw nrij), ni li tan nimi भिक्षुणी bhikṣuṇī meli pi nasin sewi)
nimi 优婆塞 (yōupósè (majuna: 'juw ba sok), ni li tan nimi उपासक upāsaka mije pali)
nimi 优婆夷 (yōupóyí (majuna: 'juw ba yij), ni li tan nimi उपासिका upāsikā meli pali)
nimi 涅槃 (nièpán (majuna: net ban), ni li tan nimi निर्वाण nirvāṇa selo pini)
nimi 刹那 (chànà (majuna: tsrhaet na), ni li tan nimi क्षण kṣaṇa tenpo kipisi lili lili)
nimi 波罗蜜 (bōluómì (majuna: pa la mjit), ni li tan nimi पारमिता pāramitā pona ale)

ni ale li ante kalama tan toki Sankita meso toki Sonko pi tenpo ni majuna pi tenpo Tan en tenpo Son.

o lukin kin

tan sona

↑ 《Das Buch der Schrift》,Carl Faulmann (1835-1894) li sitelen, Druck und Verlag der Kaiserlichen Hof-und Staatsdruckerei li sitelen e ona lon tenpo sike nanpa 1880.PDF.
↑ Masica,p,32
↑ Indo-European Linguists ISBN 978-3-11-017433-5
↑ A History of Sanskrit Literature ISBN 978-81-208-1100-3
↑ Pollock (2001:lipu kasi nanpa 393)
↑ This village speaks gods language - India - The Times of India
↑ Sanskrit boulevard: Hindustan Times
↑ Chitrapurmath.net

[1] 《Das Buch der Schrift》,Carl Faulmann (1835-1894) li sitelen, Druck und Verlag der Kaiserlichen Hof-und Staatsdruckerei li sitelen e ona lon tenpo sike nanpa 1880.PDF.

[2] Masica,p,32

[3] Indo-European Linguists ISBN 978-3-11-017433-5

[4] A History of Sanskrit Literature ISBN 978-81-208-1100-3

[5] Pollock (2001:lipu kasi nanpa 393)

[6] This village speaks gods language - India - The Times of India

[7] Sanskrit boulevard: Hindustan Times

[8] Chitrapurmath.net

[1]

[2]

[3]

[4]

[5]

[6]

[7]

[8]