toki Iwisi

toki Iwisi
*עִבְרִית*
toki Iwisi עִבְרִית
kalama	iv'ʁit
ma	ma Isale
kulupu toki	Apika Asija Semi Semi pi pini suno Semi insa; ; ;
nasin sitelen	sitelen Iwisi
nanpa toki
ISO 639-1	he
ISO 639-2	heb
ISO 639-3	heb
Glottolog	hebr1246
IETF	he
Linguasphere	12-AAB-a

toki Iwisi (toki Iwisi la: עִבְרִית iv'ʁit) li toki pi kulupu Jejusi. tenpo pini la ona li lape. taso ona li kama sin tan lape li kama suli lon ma Isale.

tenpo pini

toki Iwisi pi tenpo pini li toki suli lon tenpo pini. lipu sewi Tola en lipu sona TaNaKa la ona li lon. taso, jan li kama toki ni ala lon tenpo suli. ni la ona li lape. tenpo lape ona la jan li kepeken toki ni tawa nasin sewi tawa toki sona. taso ona li toki mama pi jan ala.

tenpo la jan mute pi kulupu Jejusi li wile kama sin e toki Iwisi. jan Elijese Pen Jejuta en jan Sameno en jan ante mute li lawa e sin pi toki ni li pali mute tawa ni. wile ona la jan pi kulupu Jejusi li kama toki Iwisi. jan pi toki Iwisi li utala e toki ante li pali e utala pi toki Iwisi. tenpo lon la jan mute pi ma Isale li kama toki ni.

nasin nimi

nasin pi pali nimi li lon toki Iwisi. nasin ni li nasin pi kulupu toki Semi. nasin pali pi nimi pali kin li lon. toki Iwisi la nimi pali ni li kipisi:nimi "Pinjanin".

nimi pali

toki Iwisi li jo e sitelen 22: א, ב, ג, ד, ה, ו, ז, ח, ט, י, כ, ל, מ, נ, ס, ע, פ, צ, ק, ר, ש, ת

nimi pi toki Inli pi sitelen: Alef, Bet, Kimel, Talet, He, Waw, Sain, Het, Tet, Ud, Kaf, Lamet, Mem, Nun, Same, Ain, Pe, Sadik, Kuf, Res, Sin, Taf.

nimi pali 5 li jo e sitelen pi pini nimi kin:

nimi pali	nimi pali pi pini nimi
כ	ך
מ	ם
נ	ן
פ	ף
צ	ץ

toki Iwisi li jo e kule mute pi nasin sitelen. nasin ni li kama pali mute tan ni: nasin ni li nasin sitelen pi lipu sewi. tenpo pini la, jan mute li pilin e ni: nasin sitelen ni li sewi. ni la, jan ni li kepeken ala e nasin ni. tenpo mi la, jan li kepeken e nasin ni lon ilo sitelen. jan li sitelen kepeken palisa sitelen la, ona li kepeken e nasin sitelen ante.