toki Lasena
| toki Lasena
𐌓𐌀𐌔𐌄𐌍𐌍𐌀 Rasenna 𐌓𐌀𐌔𐌍𐌀 Rasna 𐌓𐌀𐌑𐌍𐌀 Raśna | |
|---|---|
 | |
| sitelen Cippus Perusinus. kulupu pi tenpo sike nanpa 200 anu kulupu pi tenpo sike nanpa 300. | |
| ma | ma Etulija lon ma Italija |
| nasin sitelen | sitelen Lasena |
| nanpa toki | |
| ISO 639-3 | ett |
| Linguist List | ett |
| Glottolog | etru1241 |
toki Lasena (toki Lasena la: 𐌓𐌀𐌔𐌄𐌍𐌍𐌀, Rasenna) li toki majuna. jan ala li sona e toki ni lon tenpo lon. tenpo ona la, kulupu Lasena li lon lon ma Italija. toki Lasina la, ona li jo e nimi Etrusca. jan li sona ala e kulupu pi toki ni.
jan pi toki ni li kepeken sitelen Lasena. sitelen pi majuna nanpa wan li tan tenpo sike nanpa 700 pi sewi Jesu ala. sona lon la, jan li awen sitelen e toki ni lon tenpo sike nanpa 50 pi sewi Jesu lon. sitelen Lasina li tan sitelen Lasena, sitelen Lasena li tan sitelen Elena.
toki ni la, nimi mute li ken kama wan. nimi suli en kipisi nimi namako li kama wan. namako li ken ante e kalama pi nimi suli.
toki Lasina la, nimi li lon li tan toki Lasena. wan la, nimi Arena ("ko").