toki Anku
| toki Anku anu toki Soson
한국어 anu 조선어 | |
|---|---|
| kalama | [ha(ː)n.ɡu.ɡʌ] anu
[tso.sɔ.nɔ] |
| ma | ma Anku |
| kulupu toki | Anku |
| toki pi tenpo pini | toki Anku pi tenpo pini
|
| nasin sitelen | sitelen Anku |
| nanpa toki | |
| ISO 639-1 | ko |
| ISO 639-2 | kor |
| ISO 639-3 | kor |
| Glottolog | kore1280 |
| Linguasphere | 45-AAA-a |
 | |
| ma pi toki Anku mute
ma pi toki Anku lili jan lili mute pi toki Anku li lon | |
toki Anku (toki Anku la: 한국어 anu 조선어 ha(ː)n.ɡu.ɡʌ anu [tso.sɔ.nɔ]) li toki. ma Anku en ma Soson li kepeken toki ni. jan pi ma Sonko li toki kin e ni. tenpo pini la jan pi ma Anku en ma Soson li sitelen e toki ni kepeken sitelen Kansi, taso tenpo ni la jan mute pi ma Anku en ma Soson li sitelen e toki Anku kepeken sitelen Anku.
kalama
[o ante | o ante e toki ilo]ijo ante
[o ante | o ante e toki ilo]jan Anku li kepeken toki ante tan ni: jan kute li sewi anu anpa tawa ona. nasin toki ni mute li lon, taso kulupu suli tu li ken lon: toki sewi en toki anpa. pini toki pi toki sewi en ona pi toki anpa li ante. o lukin la jan li kepeken toki sewi tawa jan pi pana sona, tawa mama ona. taso jan li kepeken toki anpa tawa jan lili. sina kepeken toki anpa tawa jan pi pana sona la ona en jan ante li pilin nasa. ike la jan sina pi pana sona li utala e sina.
toki sewi: -요(yo), -입니다(imnida), -입니까?(imnikka?), -이에요(ieyo); toki anpa: -야(ya), -니?(ni?), -냐?(nya?)
종이(jong-i) li lipu lon toki Anku. o lukin la '종이입니다' li toki e ni: jan suli o, ni li lipu. taso '종이야' li toki e ni: jan pona o, ni li lipu.
