toki

lipu ni li toki e nimi "toki" lon kon nanpa wan. toki pona anu toki Inli anu toki Alapi anu toki Sonko anu ijo sama la o lukin e lipu “nasin toki”.

sitelen li lon ilo mun Pajonilu. jan mun li lukin e sitelen la, ona li ken alasa e ma.

toki li esun sona. jan li wile pana e sona la, jan li toki, la jan ante li kama sona. ken la, toki li toki uta li sitelen toki li toki pi kalama ala^(?).

tenpo ni la, ilo sona mute li toki tawa ilo sona ante mute. ni li lon kulupu linja pi ilo sona. toki la, ijo suli li nimi li nasin toki.

tan pi nimi "toki"

o lukin e nimi ni lon lipu nimi: nimi:toki

toki pona la, nimi "toki" li kama tan nimi "tok" toki Topisin. nimi "tok" pi toki Topisin li tan nimi "talk" pi toki Inli.

toki soweli

soweli mute li ken toki. mu la, soweli li pana e sona tawa soweli ante.

toki waso

waso Psittacus Erithacus li ken toki.

waso toki li ken mu. mu ona en nasin toki jan li ken sama. jan li toki la waso ona li ken jasima^[nimi].

jan sona li sona ala e ni: waso ona li ken ala ken sona e toki ni?