tenpo suno musi pi tenpo mun nanpa 4

tenpo suno musi pi tenpo mun nanpa 4 anu tenpo kijetesantakalu li tenpo suno musi lon tenpo suno nanpa 1 pi tenpo mun nanpa 4. ona li kama lon tenpo sike ali. ona li kama tan ma Elopa. tenpo ni la, jan li pali e ijo musi li toki e ijo nasa musi pi lon ala. ken la, jan li pilin e ni: toki ni li toki e ijo lon. toki Inli la, jan li pilin e ni la, jan musi li toki e ni: "April Fool’s!" (jan pi sona lili pi tenpo mun nanpa tu tu).

tenpo ni li tan ijo mute. taso, jan mute li toki e ni: tenpo pini la, open pi tenpo sike sin li lon tenpo suno nanpa 1 pi tenpo mun nanpa 4. taso, ona li kama tenpo mun nanpa 1. jan li sona e open pi tenpo sike lon tenpo mun nanpa 4 la, ona li sona ala e ijo sin.

ma mute pi toki Kanse la, jan li wile pana e kala lipu (toki Kanse: poisson d'avril) lon monsi sijelo pi jan ante. jan li kama jo e monsi lon monsi ona la, ona li wile sona ala.

anpa sewi li pana e nimi "kijetesantakalu" tan ni: ona li musi pi tenpo suno ni. taso, jan mute pi toki pona li kepeken ona. tan ni la, tenpo suno ni li tenpo kijetesantakalu tawa jan mute pi toki pona.