tenpo sike nanpa 2015

tenpo sike nanpa 2015
nasin nanpa pona: MALLL[nnp]           nasin nanpa Lasina: MMXV
tenpo sike luka luka ale	tenpo sike luka luka ale nanpa 3
tenpo sike ale	tenpo sike ale nanpa 21
tenpo sike	tenpo sike nanpa 2015
nasin tenpo Sonko	tenpo sike 乙未
soweli lon nasin tenpo Sonko	羊
nasin tenpo Isilan	tenpo sike nanpa 1436
nasin tenpo Ilan	tenpo sike nanpa 1393
nasin tenpo Iwisi	tenpo sike nanpa 5775
nasin tenpo Tawi	tenpo sike nanpa 2558
nasin tenpo Minko	tenpo sike nanpa 104
nasin tenpo Nijon	tenpo sike 平成27

tenpo sike nanpa 2015 li jo e tenpo suno 365, tenpo suno open li tenpo suno #4 pi tenpo esun. tenpo sike 2015 li tenpo pini:

• tenpo sike 2014 li pini la ona li kama.
• ona li pini la tenpo sike 2016 li kama.

seme li kama

tenpo sike la ni li kama:

• kama sona pi toki Epelanto lon tenpo seli li lon ma tomo Masin lon ma Lowenki. jan pi toki pona li tawa ona kin. ona li toki e toki pona li musi kepeken toki pona.
• kama kulupu Ijoko li lon ma tomo Wipaten lon ma Tosi. jan pi toki pona li tawa ona kin.
• kama sona pi toki pona lon ma Elopa li lon ma tomo Pono lon ma Seki.
• tenpo mun mute la jan mute mute li tawa ma Elopa tan ma Asija. jan mute ni li tawa ma Tosi.
• jan Angela Merkel li toki e ni: jan Sulija li ken kama ma Tosi.
• ma tomo Ino en tomo sona suli Ino li kama lon ma Tata.