tenpo pini pi ma Pisi

tenpo pini pi ma Pisi li jo e kipisi tenpo tu tu. tenpo pini la jan lon ma telo lon telo suli Pasipi li alasa e ma Pisi. tenpo monsi jan tan ma Elopa li lawa e ma Pisi tawa tenpo pi kama wan pi ma Pisi.

tenpo majuna^[nimi] tawa tenpo sike nanpa 1820

tenpo sinpin nanpa 1000 la jan li tawa ma Pisi. jan sona mute li pilin e ni: ona mute li tan ma Asija pi poka Sa pi poka kama suno li tawa ma Intonesija li tawa ma Pisi.

tenpo sike nanpa 800 en tenpo sinpin la jan Tuwipulotu li lawa e ma Pisi.

tenpo sike ale nanpa 11 la ma Tuwi Tona li kama lon ma Tona, ma Tuwi Tona li pana e ijo pi kulupu jan Tona tawa ma Pisi. tenpo ale nanpa 13 la ma Tuwi Tona li kama wawa ala.

tenpi sike nanpa 1643 la, jan tan ma Netelan li tawa ma Pisi.

tenpo sike nanpa 1820 tawa tenpi sike nanpa 1874

ma Pisi lon tenpo sike nanpa 1840

tenpo sike ale nanpa 19 la jan tan ma Elopa li lawa e ma Pisi li pali e ma tomo Lepuka suli lon tenpo sike nanpa 1822. tenpo sike nanpa 1830 la jan tan ma Elopa li kama nasin sewi pi jan Jesu e nasin sewi pi jan lon ma Pisi.

ma tomo Lepuka lon tenpo sike nanpa 1842

ilo tawa telo pi ma Pisi lon tenpo sike nanpa 1842

tomo pi ma Pisi lon tenpo sike nanpa 1842

tenpo sike nanpa 1865 la kulupu pi ma Pisi wan pi jan lawa li kama lon, jan Selu Epenisa Takonpa li kama jan lawa. taso tenpo sike nanpa 1867 la kulupu ni li kipisi, ma Pa pi jan lawa en kulupu ma La li kama lon. jan Selu Epenisa Takonpa li kama jan lawa pi ma Pa pi jan lawa.

len lawa pi ma Pisi pi jan lawa

tenpo sike nanpa 1871 la jan Selu Epenisa Takonpa li kama jan lawa pi ma Pisi anpa pana pona tan ma Elopa en ma Mewika

tenpo sike nanpa 1874 tawa tenpo sike nanpa 1970

tenpo sike nanpa 1874 la ma Juke li lanpan^[nimi] e ma Pisi. tenpo sike nanpa 1876 la kulupu pi jan lawa suli li kama lon. tenpo sike nanpa 1881 la ma telo Lotuma li kama ma pi ma Pisi. tenpo sike nanpa 1882 la ma tomo lawa li ma tomo Lepuka ala li ma tomo Supa. tenpo sike nanpa 1904 la jan lawa pi ma Pisi en mije walo li ken kama jan lawa ma.

ma tomo Suwa lon tenpo sike nanpa 1940

tenpo sike nanpa 1970 tawa tenpo ni

tenpo ni la len lawa pi ma Pisi

tenpo suno nanpa 10 pi tenpo mun nanpa 10 pi tenpo sike nanpa 1970 la ma Pisi li wan li pini e lawa pi ma Juke lon tenpo sike 96. tenpo sike nanpa 1972 la jan li kama anu e jan lawa, kulupu pi kulupu ma li kama sewi.

tenpo sike nanpa 1987 la ante lawa tu li lon. ante lawa nanpa tu li wile anpa e nasin lawa pi jan lawa sewi. tenpo mon si la ante nimi tu tu li lon. tenpo ante nanpa wan la ma Pisi lon lawa ona tawa ma Pisi lon lawa pi kulupu pi sama ala. tenpo nanpa tu li lon tenpo sikw nanpa 1990, nimi ''ma Pisi lon lawa pi kulupu pi sama ala'' li kama "ma Pisi pi jo lawa lon lawa pi jan ale lon lawa pi kulupu pi sama ala". tenpo nanpa tu wan li lon tenpo sike nanpa 1997, nimi li kama "ma Pisi pi kulupu pi ma telo mute lon lawa pi kulupu pi sama ala". tenpo ante nanpa tu tu li lon tenpo sike nanpa 2011 ,nimi li kama "ma Pisi lon lawa pi kulupu pi sama ala".