telo suli Pasipi
telo suli Pasipi li telo suli pi ma mi. ona li poka e ma Asija e ma Amelika e ma Oselija e ma Antasika. ma Asija en ma Oselija li lon nasin pi pini suno. ma Amelika li lon nasin pi open suno. ma lon telo mute pi ma Osejanija li lon telo ni. suli en anpa la telo suli Pasipi li telo suli nanpa wan. selo kin la, ona li suli. suli selo pi telo Pasipi li 165,250,000km².
tawa telo en linja insa ma li kipisi e telo Pasipi. nasa ala la, telo pi telo Pasipi tu ni li awen lon kipisi ona. linja pi kipisi suno pi ma mute kin li kipisi e telo Pasipi.
anpa pi nasa ala pi telo Pasipi li 4000m. anpa Talanta li lon insa lupa Mawijana poka ma Mawijana. anpa ona li 10928m. ni li anpa nanpa wan lon ma mi.
telo Pasipi li telo suli pi seli nanpa wan.
telo lili pi telo Pasipi li mute. ni li telo Pilipin li telo pi ma Nijon li telo Oko li telo Pewin li telo Taman li ante.