telo Mesitelane
(tan nimi "telo suli Mesitelane")
telo Mesitelane (kulupu toki Lasina: Mediterrane–) anu telo Setoseno (kulupu toki Lowan: Sredozemno) anu telo Apijata Mutawasi (toki Alapi: الأبيض المتوسط al-Abyaḍ al-Mutawassiṭ) li telo poka, lon poka pi telo Alansi. telo suli Mesitelane li tu e ma Elopa e ma Apika. ona li lon poka pi pini suno pi ma Asija. tenpo pini la, nimi ona li telo Nostun (toki Lasina: Mare Nostrum, "telo poka mi"), tan ni: ma Loma li lawa e ma ale pi poka ona.