telo suli Mesiko
telo suli Mesiko (toki Epanja la: Golfo de México) anu telo suli Mewika (toki Inli la: Gulf of America) li telo suli pi telo suli Alansika (ma Mewika taso li toki e telo suli Mewika). ma Mesiko en ma Mewika en ma Kupa li lon poka ona.
ma Mesiko la, ma Tamalipa, en ma Pelaku, en ma Tapako, en ma Kanpese, en ma Jukatan, en ma Kintana Lo li lon poka ona. ma Mewika la, ma Tekasa, en ma Luwisijena, en ma Misisipi, en ma Alapama, en ma Lowita li lon poka ona.