nasin telo

lipu ni li toki ala e lipu “telo linja”.

telo li nasin e ilo lon ma tomo Kasi.

jan li esun lon ilo tawa telo, lon ma Tawi.

ilo tawa telo suli li lon telo Matole^(?) pi ma Italija.

nasin telo li lupa telo la, jan li ken tawa lon ona kepeken ilo kepeken pali lili. jan li wile ni la, nasin telo o ni:

• anpa ona o lon anpa pi mute ni: ilo tawa telo poki li ken tawa pona lon ona.
• poka ona o lon poka pi mute ni: ilo tawa telo poki li ken tawa pona lon ona.
• ona o jo ala e pakala, sama telo pi tawa anpa, sama telo pi tawa wawa. ona li jo la, o pana e nasin ante.
• mute tawa ona o pona ni: ilo tawa telo poki li ken tawa lon jasima pi nasin telo, kepeken pali lili.
• telo ma la, suli pi tawa nena o pona ni: sijelo pi ilo tawa telo poki li pona lon ona.

nasin telo li pona mute tawa pali jan. tomo pi tawa telo li lon insa ma la, ilo tawa telo li ken tawa ona kepeken nasin telo. ilo tawa telo li ken tawa e poki, anu jan, anu soweli, anu ijo ante.