telo namako suli pi ma Juta

telo suli Sale anu telo Tesepa (toki Inli la: Great Salt Lake, "telo namako suli", toki Newe la: Tettseh-paa', "telo jaki") li telo suli namako lon ma Juta lon ma Mewika. telo namako la, ona li suli nanpa wan lon ma Amelika. namako mute li lon telo la, kala mute li ken ala lon telo. taso, pipi kala pi telo namako li lon. kin la, telo Sale li suli tawa waso mute.

tenpo pini

tenpo pi pini weka la, jan li lon ala la, telo Panewi pi suli mute^(?) li lon ma sama li lon ma ante poka. telo ni li kipisi lili pi telo weka Panewi.

tenpo mute la, jan pi kulupu Newe li lon poka pi telo Tesepa.

jan Siwese Wele Tekalante^(?) li kama sona e telo suli tan kulupu Nusi la, ona li sitelen nanpa wan e telo. taso, ona li lukin ala e telo. jan alasa Sin Pisa^(?) en jan alasa Esijen Powo^(?) li lukin e telo la, ona li jan lukin nanpa wan pi ma Elopa. jan alasa ante kin li lukin li tawa lon poka ona. taso, jan alasa ni li sona ala e sitelen Lasina la, ona li toki ala e telo lon lipu.

tenpo sike 1847 la, jan Pikan Yan^(?) en kulupu sewi ona Momon li tawa ma poka pi telo Sale li pali e ma tomo Sale lon poka ni.

tenpo poka la, telo lili li kama lon ma Juta la, jan li kepeken telo mute tawa ma kasi la, telo Sale li kama lili.