telo moku pi lipu kasi

poki suli ni li jo e telo kasi e poki lili pi kasi kipisi. telo kasi ni li telo kasi kili.

telo pi lipu kasi li telo moku. jan li pali e ona kepeken kasi kipisi. telo kasi li seli anu lete. taso, ona li wile seli lon tenpo pi pali ona. jan li wile telo kasi lete la, telo kasi li wile ijo lete.

kulupu

jan li wile pali e telo kasi la, ona li wile nasin e lipu kasi. nasin li ante la, telo kasi li lon kulupu ante. kulupu luka wan ni li lon tawa jan ale, taso kulupu ante li ken lon tawa jan:

• walo (toki Sonko la: 白茶, toki Inli la: white tea) - lipu kasi li sama moli, taso kon li ante ala e kule ona.
  • b9jelo (toki Sonko la: 黃茶, toki Inli la: yellow tea) - lipu kasi li sama ala moli, kon li ante ala e kule ona, taso ijo ante li jelo e ona.
• laso (toki Sonko la: 綠茶, toki Inli la: green tea) - lipu kasi li sama ala moli, kon li ante ala e kule ona.
• loje (toki Sonko la: 紅茶) anu pimeja (toki Inli la: black tea) - lipu kasi li sama moli, kon li ante e kule ona; ken la, jan li kipisi e lipu.
• pimeja (toki Sonko la: 黑茶) anu pimeja mute (toki Inli la: dark tea) - jan li pali e telo kasi ni lon ma Junan la ona li telo kasi pi nasin Puwa (toki Sonko la: 普洱茶, pǔ'ěrchá); ni li sama telo laso, taso pipi pi lili mute pi ken ala lukin li alasa moku e ona li nasa e ona.
• nasin pi akesi suli pimeja (toki Sonko la: 烏龍茶) anu nasin Ulon (toki Sonko la: 烏龍茶, wūlóngchá, toki Inli la: Oolong tea) - lipu kasi li sama moli li pakala lili, kon li ante lili e ona.

tenpo

telo kasi li tan kasi Kamelija Sinensisu _{(toki Inli la: Camellia Sinensis)}. kulupu ante li tan tenpo lon kon. Kamelija Sinensisu li tan ma Sonko li tan ma Pama. nanpa wan la, ma pi kulupu lawa San _{(toki Sonko la: 商朝, toki Inli la: Shang Dynasty)}. li moku e telo kasi. toki lili la, jan lawa suli Sennon li moku e telo pi seli mute tan poki. lipu kasi tan kasi suli li tawa poki telo. jan lawa suli Sennon li moku e telo li pilin wawa tan telo pilin. nanpa wan la, jan li pali e telo kasi kepeken poki. ona li tawa e lipu kasi tawa poki li tawa e telo tan poki tawa poki lili.