telo linja
telo linja li telo tawa; li jo ala anu jo lili e namako moku walo; li tawa lon insa ma, anu lon insa lupa; tawa anpa, tawa telo suli anu telo ma anu telo linja ante. ona li tawa anpa tan kama tawa suli. tan ni la, telo linja li open lon sewi, li pini lon anpa.
telo linja li ken tawa ala e telo ale ona. ken la, ni li tan kon seli. sike telo(?) li lawa e ona, kepeken kama pi telo sewi, kepeken seli pi ko lete, anu kepeken ijo ante.
tawa
[o ante | o ante e toki ilo]tenpo mute la, telo linja li pini lon telo poka. ona li tawa tan telo lili, anu tan telo kiwen lon nena lete.
kepeken jan
[o ante | o ante e toki ilo]jan li ken tawa lon linja telo pi mute ala kepeken ilo tawa telo. tan telo linja la, jan li kama jo e wawa linja kepeken tomo pi wawa telo, e moku tan kala anu tan kasi telo. jan li ken linja e linja telo tawa ma pi kasi pan anu ma soweli tan ni: ona ale li wile e telo. tan ni ale la, jan li pali e ma tomo mute lon poka pi telo linja.
telo linja suli
[o ante | o ante e toki ilo]| nanpa | nimi |
|---|---|
| 1 | telo Amasona |
| 2 | telo Nili |
| 3 | telo Misisipi en telo Misuwi |
| 4 | telo Jansi |
| 5 | telo Kuwanke |
| 6 | telo Opi en telo Isi |
| 7 | telo Enise |
| 8 | telo Lena |
| 9 | telo Amu en telo Akun |
| 10 | telo La Pata en telo Palana |