tawa sewi nanpa wan
tan
[o ante | o ante e toki ilo]tenpo sike ali nanpa 7 la, jan pi nasin sewi Isilan li kama jo e ma Elopa e ma Apika lete e ma Asija pi pini suno. ona li jo e ma sewi. jan pi nasin sewi pi jan Jesu li lon ma ni. jan Isilan li pakala e jan ni. tenpo sike 1071 la, ma Pasileja Loma li utala e ma Seluku. ma Seluku li anpa e ma Pasileja Loma. jan lawa Alesijo nanpa wan Koneno pi ma Pasileja Loma li toki e ni: o pana e pona tawa mi. ma Isilan li jo e utala insa. jan Jesu li wile pakala e ma Isilan. jan lawa Upanu nanpa tu wan pi kulupu Katolika li toki e ni: o anpa e jan Isilan, o kama jo e ma tomo Jelusalawin.
tenpo pini
[o ante | o ante e toki ilo]tenpo suno 228 en tenpo sike 1096 la, jan pi pali kasi en jan utala en jan pi mani ala li tawa lon ma sewi. jan Pije pi Amijen li jan lawa pi ona mute. jan meli en jan lili en jan majuna li tawa kin. ona mute li jo ala e moku. 60 000 jan li tawa. 30 000 jan li pini e tawa. jan Seluku li moli e jan ali. tenpo ni la, tawa Kemon li open. 10 000 jan utala li pakala li moli e jan Jejusi poka nasin telo Kan. jan utala li wile e ni: jan Jejusi li kama tawa jan Jesu. jan Jejusi li wile ala e ni. ona li moli e ona.
jan utala pi ma Elopa (ma Kanse, ma Italija, ma Aja en ante) li tawa lon ma Asija. ona li pakala e ma tomo pi jan ante. tenpo sike nanpa 1097 la, jan utala sike e ma tomo Nikeja. ma Alesijo li pilin e ni: jan utala li ken ala anpa e ma tomo Nikeja. ona li toki jan Nikeja. jan Nikeja li anpa la, utala ala. jan utala li anpa e jan Seluku lon ma tomo Tolilejon.
jan utala sike e ma tomo Ansijokeja. tenpo sike nanpa 1098 la, jan Pilusa (jan Seluku) li open e lupa pi ma tomo. jan utala pi ma Elopa li moli e jan ali. tenpo sike nanpa 1099 la, jan utala li kama lon ma tomo Jelusalawin. ona li pana kiwen tawa ma tomo. lupa anpa li sike e ma tomo. jan utala li pana e ma tawa lupa la, ona li tawa lon ma tomo.