o tawa ijo lipu

tawa mun Atemi nanpa tu

tan lipu lipu Wikipesija
tawa mun Atemi nanpa tu li tawa sewi tan tomo Kenesi Supe Senta lon tenpo suno nanpa 1 pi tenpo mun nanpa 4 pi tenpo sike nanpa 2026
jan tawa pi tawa mun Atemi nanpa tu:
• sewi la jan Pikuta Kulapa
• poka pi sitelen open la jan Kisina Ku
• poka ante la jan Sewemi Ansen
• anpa la jan Li Wasuman

tawa mun Atemi nanpa tu (toki Inli: Artemis II) li tawa mun, li tawa nanpa tu lon kulupu pi tawa mun Atemi. jan pi tawa mun tu tu li lon ona: jan Li Wasuman en jan Pikuta Kulapa(?) en jan Kisina Ku(?) en jan Sewemi Ansen(?). jan Li Wasuman en jan Pita Kopa en jan Kisina Ku li tan kulupu NASA. jan Sewemi Ansen li tan kulupu CSA(?).[1] ona li kepeken ilo tawa Supe Lan Sisuten(?) pi kulupu NASA.[2] tawa ni la, jan tawa li kama sin nanpa wan lon poka mun lon tenpo sike 54 (MMLLTT[nnp]).

jan

[o ante | o ante e toki ilo]

tenpo suno nanpa 3 pi tenpo mun nanpa 4 pi tenpo sike nanpa 2023 (MAMTW[nnp]) la, kulupu NASA li toki e ni: "jan Li Wasuman en jan Pikuta Kulapa en jan Kisina Ku en jan Sewemi Ansen li jan tawa pi tawa mun Atemi nanpa tu. jan Li Wasuman li jan lawa."[3]

tawa

[o ante | o ante e toki ilo]

open tawa

[o ante | o ante e toki ilo]

tawa mun Atemi nanpa tu li open e pali ona li tawa sewi lon tenpo 22:35:12 UTC lon tenpo suno nanpa 1 pi tenpo mun nanpa 4 pi tenpo sike nanpa 2026 (MAMLW[nnp]) tan tomo Kenesi pi tawa mun(?).[4]

tawa poka

[o ante | o ante e toki ilo]
ni li sitelen Earthset (toki pona la tawa anpa ma). jan Kisina Ku li pali e sitelen ni lon tenpo suno nanpa 6 pi tenpo mun nanpa 4 pi tenpo sike nanpa 2026 (MAMLW[nnp]).

ona li tawa poka pi mun poka lon tenpo suno nanpa 6 pi tenpo mun nanpa 4 pi tenpo sike nanpa 2026 (MAMLW[nnp]).[4] jan pi tawa mun li lukin e mun li pali e sitelen suno mute. ona li kama sona e mun tan ni.

nasin pi Atemi nanpa tu: (1): tawa sewi; (2): lawa li weka e palisa suli; (3): ilo lawa li weka e ilo suli lon lawa; (4): lawa li pona e nasin tawa ona tan ma; (5): ilo suli li open lon lawa la, lawa li kama lon sike poka pi ma sewi; (6): jan tawa pi tawa mun li kepeken ilo lawa la, ona li tawa e ilo lawa. (7): ilo sewi lete pi tenpo awen (ICPS) li seli. ilo lawa li weka e ona; (8): jan pi tawa mun li alasa pona e nasin tawa; (9): ilo sewi pi ilo lawa li seli mute la, ilo li tawa suli lon poka mun; (10): nasin pi ilo lawa li sike e mun. tenpo pi nasin ni li suno nanpa 4; (11): ilo lawa li kama lon monsi mun tan ma; (12): tenpo open la, ilo lawa li tawa ma; (13): ilo lawa li kipisi e wan pi jan e wan pi sewi. wan pi sewi li weka; (14): ilo pi jan li kama e kon pi ma; (15): ilo pi jan li kama en telo suli la, jan li pakala ala.

jan li tawa weka tan ma la, jan pi tawa mun li kama jan pi weka nanpa wan lon tenpo suno nanpa 6 pi tenpo mun nanpa 4 pi tenpo sike nanpa 2026 (MAMLW[nnp]). suli pi weka ona li suli Kilometa 406,771 (MMAMMMLTAMMMLLW[nnp]). tenpo pini la, jan pi weka nanpa wan li jan tawa pi tawa mun Apolo nanpa luka luka tu wan(?).[5]

kama sin

[o ante | o ante e toki ilo]

ona li kama sin tawa ma, li tawa anpa lon telo suli Pasipi lon tenpo 00:07:27 UTC lon tenpo suno nanpa 11 pi tenpo mun nanpa 4 pi tenpo sike nanpa 2026 (MAMLW[nnp]).[6] jan ale li pakala ala.

tan sona

[o ante | o ante e toki ilo]
  1. ↑ tan sona la o pana e nimi anu linja [Our Artemis Crew] (lon toki Inli). kulupu NASA. lukin lipu li lon tenpo 2026-04-07.
  2. ↑ tan sona la o pana e nimi anu linja [Artemis II: NASA's First Crewed Lunar Flyby in 50 Years] (lon toki Inli). kulupu NASA. lukin lipu li lon tenpo 2026-04-07.
  3. ↑ jan Claire A. O'Shea (2023-04-03). tan sona la o pana e nimi anu linja [NASA Names Astronauts to Next Moon Mission, First Crew Under Artemis] (lon toki Inli). kulupu NASA. lukin lipu li lon tenpo 2026-04-12.
  4. 1 2 jan Lauren E. Low (2026-04-01). tan sona la o pana e nimi anu linja [Liftoff! NASA Launches Astronauts on Historic Artemis Moon Mission] (lon toki Inli). kulupu NASA. lukin lipu li lon tenpo 2026-04-07.
  5. ↑ jan Jessica Taveau (2026-04-06). tan sona la o pana e nimi anu linja [NASA’s Artemis II Crew Eclipses Record for Farthest Human Spaceflight] (lon toki Inli). kulupu NASA. lukin lipu li lon tenpo 2026-04-12.
  6. ↑ jan Jennifer M. Dooren (2026-04-10). tan sona la o pana e nimi anu linja [NASA Welcomes Record-Setting Artemis II Moonfarers Back to Earth] (lon toki Inli). kulupu NASA. lukin lipu li lon tenpo 2026-04-12.
tan https://tok.wikipedia.org/w/index.php?title=tawa_mun_Atemi_nanpa_tu&oldid=65081