tawa mun

jan lon ilo pi ma mute lon pimeja mun

tawa mun li tawa lon pimeja mun. sewi pi linja Mete 100 000 tan ma, pimeja mun li lon. tawa mun pi mute li ni: ilo mun li tawa. tenpo sike nanpa 1957 la, ilo "Sputnik-1" (toki Lusi la: Спутник-1) pi ma Sesesele li lon pimeja mun. ni li tawa mun nanpa wan. soweli lon pimeja mun nanpa wan li soweli Laka^(?) pi ma sama. tenpo sike sama la, ona li tawa lon ilo "Sputnik-2" (toki Lusi la: Спутник-2). tenpo sike nanpa 1959 la, ilo "Luna-2" (toki Lusi la: Луна-2) li tawa lon mun Luna. ona li nanpa wan. tenpo sike nanpa 1961 la, jan Juli Kakalin li tawa lon pimeja mun. ona li jan nanpa wan lon ni. tenpo sike nanpa 1969 la, jan Nije Anton li lon mun Luna. ona li nanpa wan.

ilo li tawa lon pimeja mun la, wawa tawa pi ilo li ni: tenpo Sekon 1 la, ona li tawa linja Mete 7 900. ma ni li pali e tawa mun: ma Lusi (en ma Sesesele lon tenpo pini), ma Mewika, ma Pasiju, ma Sonko, ma Elopa, ma Palata, ma Ilan, ma Isale, ma Nijon, ma Anku en ma Soson.