suwi pimeja
suwi pimeja li suwi tan kili Kaka seli. ona li ken telo li ken kiwen li ken ko. tan ona li kulupu Majo Sinkipe (ma ni li kama ma Ekato lon tenpo pi lipu ni). tenpo kama la suwi pimeja li kama tawa ma Elopa.
pali
[o ante | o ante e toki ilo]kasi pi kili Kaka li jo e kon uta ike o kama ante tan ijo lili. ijo lili li ante e ona la kili ona li kama telo ala li kama jaki ala li kama seli. selo ona li kama weka li kama ko. jan li pana e telo kili e ko suwi tawa ona kin. suwi pimeja pi telo soweli li jo e telo soweli.
suwi pimeja lon tenpo pini
[o ante | o ante e toki ilo]kepeken nanpa wan pi suwi pimeja li telo nasa pi kulupu Ome. kulupu Maja en kulupu Ate la suwi pimeja li pona tan jan sewi suli. kulupu ante la ona li mani. jan Penan Kote li jan nanpa wan pi suwi pimeja lon ma Elopa. suwi pimeja li misikeke lon ma Elopa kin li kama jo e suwi e namako. kulupu pi tenpo sike nanpa 1700 la pali pi suwi pimeja li kama pona. tan ni la jan li pali e suwi pimeja pi telo soweli. suwi pimeja li kama moku li kama telo ala. kulupu pi tenpo sike nanpa 1900 la ike li lon tawa kulupu pali pi suwi pimeja Kapewi tawa kulupu pali Pa tan pali pi ma Apika.