supa

ijo li ken lon sewi supa. ona li sama lipu. taso, ijo li lon ona la ona li pakala ala li tawa ala anpa. supa en sinpin li ante lon ni: sinpin mute li suli lon sewi lon anpa lon poka; taso supa li suli taso lon sinpin lon monsi lon poka, li suli ala lon sewi lon anpa.

supa jan

jan li pali e tomo la, insa mute la anpa en sewi li supa. taso, tenpo mute la supa ante li lon tomo kin. ona li tomo jan la, ona mute li jo e supa monsi e supa moku e supa jo e supa lape e supa ante.

sitelen