suli seli

ike la lipu ni li lili. sina wile pona e ona la sina ken suli e ona.

suli seli la, jan li toki e ni: ijo li seli seme anu lete seme?

lon sijelo ijo la, suli seli li kama ante sama wawa seli.

ijo seli en ijo lete li kama poka la, ijo seli li kama lete lili. kin la, ijo lete li kama seli lili. pini pi tenpo suli la, suli seli pi ijo tu ni li kama sama.

wawa seli

sijelo ijo la, wan lili ale li tawa nasa. taso, tawa ni li lili mute la, jan li ken ala lukin e tawa ni. wawa pi tawa ni li wawa seli. wawa seli en suli seli li kama ante lon nasin sama. taso, ijo pi suli seli sama li ken jo e wawa seli ante.

ijo ale la, suli seli li wile kama sama suli seli lon poka ona. ijo tu li seli ante la, wawa seli li tawa tan ijo seli tawa ijo lete. tawa pi wawa seli li ken kama lon nasin tu wan:

• ijo wan li pilin e ijo ante la, wan lili pi ijo wan li pana e tawa tawa wan lili pi ijo ante. ijo kiwen la, wawa seli li tawa lon nasin ni.
• kon la, wile tawa anpa li lon la, kon lete li suli li wile tawa anpa. kon seli li wile tawa sewi. ni la, kon li tawa sike li tawa e wawa seli.
• ijo seli li pana e suno. ona li seli lili la, jan li ken ala lukin e suno (suno ni li suno pi weka loje). taso, ijo li seli mute la, jan li ken lukin e suno. suno li kama lon ijo ante la, suno li pana e wawa. nasin ni la, suno mi li ken seli e ma.