soweli Upe Seta
soweli Upe Seta (toki Lasina la: Vulpes zerda) li soweli lili. ona li lon ma seli pi kiwen ko. mute la ona li lon ma Asalawakupa li lon ma Apika seli li lon ma Sajusi seli. soweli ni li lon kulupu soweli Kanite.
soweli ni li jo e lukin suli e kute suli. soweli Upe Seta li alasa e soweli. kute ona li ilo tawa kute e soweli tan weka mute li ilo tawa weka e seli tan sijelo. soweli ni li jo e linja pi selo sijelo suli lon noka tan ni: ko ma li seli li ike tawa noka. linja selo li ilo kin[nimi] tan ni: ona li seli e ona lon tenpo pimeja.
soweli Upe Seta li lape lili lon tenpo pimeja.[1] tenpo suno la, ona li lape lon lupa ma. ona li lon kulupu.
ma la, soweli Upe Seta mute li lon. kulupu soweli ona li kama ala weka.
soweli Upe Seta li moku e soweli lili e lipu kasi e pipi e sike mama e kili.[2] soweli ni li moku e telo lili e telo ala la, ona ken lon.
tan sona
[o ante | o ante e toki ilo]- ↑ Carlstead, K. (1990). "Husbandry of the Fennec fox: Fennecus zerda: environmental conditions influencing stereotypic behaviour". International Zoo Yearbook. (toki Inli)
- ↑ "Vulpes zerda (Fennec)". Animal Diversity Web. (toki Inli)