soweli Kani Pamilijali
soweli Kani Pamilijali (Canis familiaris) anu soweli Kani Lupu Pamilijali (Canis lupus familiaris) anu soweli pona jan anu soweli tomo alasa li soweli tomo. soweli tomo ali la jan li nasin tomo e ona lon tenpo pini open. ni li lon tenpo sike pini nanpa 15,000.
tan
[o ante | o ante e toki ilo]tenpo suli a la jan li ante e ni: soweli seme li unpa e soweli seme. ni la soweli li kama pona tawa wile jan. nasin pi soweli tomo ni li mute li ante a tawa lukin. ona li ken pali e ijo pona mute: ona li ken moli e soweli, li ken tawa e soweli, li ken tawa e ijo, li ken awen e jan, li ken utala e jan ike, li ken pona tawa jan, li ken misikeke e pilin, li ken pali e ijo tawa jan pi ken lili. ona li kama pona mute a tawa jan tan ni: tenpo suli a la jan en soweli tomo ni li lon poka. soweli tomo ante ali la soweli tomo ni li pona nanpa wan tawa jan. ni la jan sona mute li wile kama sona e ijo pi olin soweli tawa jan e olin jan tawa soweli.
sijelo
[o ante | o ante e toki ilo]soweli li ken lili li ken suli. kulupu ante li suli ante. kulupu Great Dane li suli wawa. jan li suli tu la soweli pi kulupu ni li suli wan. kulupu Great Dane li lili wawa li sama pini pi luka jan.
lukin jan li ken pilin e loje e laso kasi e laso telo. lukin soweli li ken ala pilin e loje la wawa lukin ona li ante.
ona li moku la
[o ante | o ante e toki ilo]ma mute la jan li moku e soweli ni lon tenpo ni anu tenpo pini, ma Asija en ma Apika en ma Elopa en ma Oselija en ma Amelika li lon.