sona toki

sona toki li nasin sona pi toki jan. ona li alasa sona e kepeken toki e kalama toki e sitelen toki e ante toki e ijo toki ali.

jan pi sona toki li kipisi e sona toki. suli la, kipisi mute ni li:

sona pi kalama toki (phonology) - li sona ni: jan li toki e kalama nimi tan seme, li kute e kalama nimi tan seme? seme li kalama lili pi toki jan?

sona pi insa toki (morphology) - li sona ni: toki li jo e nasin seme, li ante lon nasin seme?

sona pi kon toki (semantics) - li sona ni: toki li pana e kon seme, li pana e kon kepeken nasin seme?

sona pi toki lon insa lawa (neurolinguistics) - li sona ni: jan ken sona e toki tan seme, li kepeken nasin seme?

sona pi ante toki lon tenpo mute (historical linguistics) - li sona ni: tenpo li tawa la toki li ante lon nasin seme? ken lon tenpo weka la toki ante li toki wan?

ken la, jan li alasa e sona toki tan ni: ona li wile kepeken sona toki tawa pali e ijo ante. ni li sona toki pi pali ante (applied linguistics). kin la, jan li wile ala e ni li wile sona e kon toki e ijo toki taso. ni li sona toki pi ijo toki (theoretical linguistics, general linguistics).

jan suli pi sona toki

jan Panini (toki Sankita la: पाणिनि, Pāṇini)
jan Patejali (toki Sankita la: भर्तृहरि, Bhartṛhari)
jan Sipuja (toki Ilan la: سِیبُویه, Sībūyah)
jan Kotepi Lapini (toki Tosi la: Gottfried Leibniz)
jan Jowan Kotepi Ete (toki Tosi la: Johann Gottfried Herder)
jan Wilijan Son (toki Inli la: William Jones)
jan Wilen Pon Unpo (toki Tosi la: Wilhelm von Humboldt)
jan Sekoja (toki Salaki la: ᏍᏏᏉᏯ, Ssiquoya)
jan Piteli Leke (toki Tosi la: Friedrich Schlegel)
jan Jako Kin (toki Tosi la: Jacob Grimm)
jan Kanse Po (toki Tosi la: Franz Bopp)
jan Eman Kaseman (toki Tosi la: Hermann Grassmann)
jan Okose Leke (toki Tosi la: August Schleicher)
jan Make Mule (toki Tosi la: Max Müller)
jan Okose Lekin (toki Tosi la: August Leskien)
jan Ka Pukeman (toki Tosi la: Karl Brugmann)
jan Oto Jepesen (toki Tansi la: Otto Jespersen)
jan Petena Te Sosu (toki Kanse la: Ferdinand de Saussure)
jan Peteli Osini (toki Seki la: Bedřich Hrozný)
jan Etewa Sapi (toki Inli la: Edward Sapir)
jan Lena Punpije (toki Inli la: Leonard Bloomfield)
jan Nikoli Tupeko (toki Lusi la: Никола́й Трубецко́й, Nikolai Trubetzkoy)
jan Tokin (toki Inli la: J. R. R. Tolkien)
jan Loman Jakoson (toki Lusi la: Рома́н Якобсо́н, Roman Jakobson)
jan Pensamin Wa (toki Inli la: Benjamin Whorf)
jan So Tumesi (toki Kanse la: Georges Dumézil)
jan Wan Li (toki Sonko la: 王力, Wang Li)
jan So Jukuwan (toki Sonko la: 周有光, Zhou Youguang)
jan Mowi Sate (toki Inli la: Morris Swadesh)
jan Pasi Pensin (toki Inli la: Basil Bernstein)
jan Mike Alite (toki Inli la: Michael Halliday)
jan Wilijan Lapo (toki Inli la: William Labov)
jan Non Sonki (toki Inli la: Noam Chomsky)
jan Son Peko Kison (toki Inli la: Jean Berko Gleason)
jan Tewi Kise (toki Inli la: David Crystal)
jan Siwen Pinke (toki Inli la: Steven Pinker)
jan Alesante Wawin (toki Lusi la: Александр Вовин, Alexander Vovin)
jan Kila Sukeman (toki Iwisi la: גלעד צוקרמן, Ghil'ad Zuckermann)

lipu ante