o tawa ijo lipu

sona tawa pi wan lili

o ante e linja
tan lipu lipu Wikipesija

sona tawa pi wan lili la, jan li sona e nasin pi tawa ni: sijelo lili en wan sijelo li tawa li ante e tawa ona.

sona pi tawa pi sijelo suli li ante. sona pi tawa suli la, jan li sona e tawa pi sijelo pi suli ni: suli ona li sama suli jan, li suli tawa ona. mun li tawa suli.

tenpo lon la, jan li awen kepeken sona pi tawa suli, tan ni: ona li pana e sona pona kepeken wawa lawa lili. taso, sona pi tawa wan li pana e sona pi pona mute. tawa suli en tawa lili li lon li ni: sona pi tawa suli li ken ala sona pona e ona[1].

jan li wile sona e tawa nasa la, ona li wile kepeken nasin sin[2]. la jan li pali e nasin sin ni: sona pi tawa wan.

sona pi tawa wan li ken nasa tawa jan[3]. nasin pi tawa wan li ante mute tawa nasin pi tawa suli. jan sona Wisa Peniman li toki e ni: sona pi tawa wan li pana e sona ma lon; taso, lon la, ma ale li nasa[4]. nasin pi tawa wan li ken ni: toki jan li ken ala toki e ona. wan la, nasin pi ken ala sona. ijo la, sina ken sona e ni: ona li lon seme, ona li tawa pi wawa seme. sina ken sona e wan taso, e tu ala. wan ante la, ijo pi kama wan. wan tu li tan sama, la nasin pi ijo wan li pana e sona pi nasin pi ijo ante.

sijelo lili pi wan kulupu li ken kama kulupu kepeken wawa pi kama wan. jan li ken sona e wawa pi kama wan kepeken sona pi tawa wan. nasin ona kin la, sona li tan sona pi tawa wan. wan la, telo nasa lete pi tawa wawa. sona pi tawa suli li ken ala sona e telo nasa ni.

nasin tu wawa sijelo

[o ante | o ante e toki ilo]
suno li wawa la, ona li suli li lili lon ante. lupa wan ("Single") la, ante li lili. lupa tu ("Double") la, ante li suli.

wan li lili. ijo pi lili ni li tawa nasa. sona pi tawa suli la, ijo li ken sijelo li ken wawa. taso, wan li nasin sijelo ala, li nasin wawa ala. nasin ona li sama nasin sijelo, li sama nasin wawa, lon tenpo wan. sona suli la, lupa lili tu li ken nasa e suno.

wan li nasin tu la, sina ken sona e nasin wan ona taso. ni li sona suli. sona pi tawa wan li tan sona ni[5][6][7][8][9].

wawa tu li nasin sama la, ona tu li kama wawa. ona li nasin ante la, ona tu li weka. wawa tu li ken sama lon wan, li ken ante lon ante. lupa wan li lon, wawa li ante lili. lupa tu li lon, wawa li ante mute. nasin ni li lon, la suno li wawa. jan Toma Jan li lukin e ni lon tenpo sike nanpa 1803[10]. jan Okiten San Pene li lukin e ni lon tenpo sike nanpa 1813[10].

telo li tawa sewi anpa, ona kin li nasin ni. ni la, wawa li sama tawa telo (toki Inli: wave). nasin ni li lon tawa ijo ni kin: sijelo lili kulupu, en kulupu pi sijelo lili kulupu, en sijelo suli[11][12]. ni la, jan li sona e ni: ijo ale li nasin ni.

nasin pi ken ala sona

[o ante | o ante e toki ilo]
jan Pena Ka Kasenpa

sina wile sona e ni: tomo tawa li lon seme, li tawa pi wawa seme. sina ken pilin e ni: ona li lon wan, li tawa pi wawa. ni la, sona sina li ken awen kama pona, la sina ken sona mona e lon ona, e wawa tawa ona.

tenpo sike nanpa 1927 la, jan Pena Ka Kasenpa li pana e sona ni: pilin ni li lon ala[13]. lon en wawa tawa li kulupu pi sona tu. kulupu ante pi sama ni li lon. kulupu pi sama ni la, sina sona e sona wan la, sina ken ala sona e sona ante. sona wan li kama suli la sona ante li kama lili.

ni li tan ilo ala. ona li tan nasin pi ijo ale. wan li lon wan la, ona li tawa pi wawa mute. wan li tawa pi wawa wan la, ona li lon mute. ijo suli la, sona en sona ala li ante lili. taso, ijo pi lili sama wan la, ante ni li suli tawa ona[14].

sina ken sona e ken ala ni. jan Kasenpa li pana e nasin pona pi kama sona. wan li tawa la, sina wile sona e lon ona la, sina ken pilin e ona. sina pilin e ona la sina ken sona e lon ona, taso sina ante e wawa tawa ona, la sina ken ala sona e wawa tawa. ante pi wawa tawa li nasin ala, sina ken ala sona e ona. nasin pi kama sona pi wawa tawa li sama. wan li wawa suli la, sina ken sona e lon; wan li wawa lili la, sina ken sona e wawa tawa[15].

ken pi kama lon

[o ante | o ante e toki ilo]

wan li jo e nasin tu: nasin ken en nasin lon. wan li ken la, wawa li ken lon e ona.

ni li lon tawa wan taso, lon tawa suli ala.

wan la, wan suno. wan suno li jo e kulupu pi lon ken. tenpo kama la, ilo li lukin e ona, la ona li lon wan taso lon tenpo wan. taso, ona li pini lon, li pana e ijo suli. ken ona kin li pini lon. wan la, ijo suli li ken ni: ilo li pali e sitelen.

ijo pi kepeken sona ni

[o ante | o ante e toki ilo]

ijo pi jan ale

[o ante | o ante e toki ilo]

suno li ken loje e selo jan. taso, suno pi ale ala li ken ni. suno pi laso wawa li ken ni, suno ante li ken ala. ni li tan ni: suno pi laso wawa li pana e wawa suli, suno pi ken lukin en suno pi loje wawa li pana e wawa lili. sona pi tawa wan li pana e sona ni.

suno pi wawa suli li ken pakala seli loje e selo jan, suno pi wawa lili li ken seli lili taso e ona.

suno wawa, en ijo pi ante pi wawa linja, en ilo lukin pi ijo lili, en ilo lukin pi insa sijelo, li tan sona pi tawa wan.

sina lon e suno tomo li weka e ona la, sina kepeken ilo. ilo ni kin li tan sona wan. poki sona pi ilo nanpa li weka e sona kepeken ona. ona tu li kepeken sona ni: sinpin li pini e tawa pi wan lili, taso wan li awen tawa, sama ni: sinpin li lon ala, li jo e lupa[16].

  1. ↑ https://www.pbs.org/transistor/science/info/quantum.html
  2. ↑ tenpo sike nanpa 2012 la, lipu "The Structure of Scientific Revolutions" tan jan Toma Kun
  3. ↑ https://web.archive.org/web/20170915203853/https://www.socratease.in/chapters/intro/intro-to-quantum-mechanics-1
  4. ↑ https://archive.org/details/qedstrangetheory00feyn/page/10, lipu nanpa 978-0691024172 lon nasin ISBN
  5. ↑ lipu nanpa 978-0470026786 lon nasin ISBN la lipu nanpa 26 en lipu nanpa 27
  6. ↑ lipu nanpa 978-1461533320 lon nasin ISBN la lipu nanpa 26 en lipu nanpa 41
  7. ↑ lipu nanpa 978-3642201868 lon nasin ISBN la lipu nanpa 88
  8. ↑ lipu nanpa 978-1118230619 lon nasin ISBN la lipu nanpa 1272
  9. ↑ lipu nanpa 0313328579 lon nasin ISBN la lipu nanpa 172
  10. 1 2 tenpo sike nanpa 1987 la, tenpo mun nanpa 1 la, tenpo suno nanpa 1 la, tan jan Mowi Samo la, lipu "Great Experiments in Physics: Firsthand Accounts from Galileo to Einstein" la, lipu nanpa 108
  11. ↑ nasin Bibcode la lipu nanpa 2015Natur.521..278M. nasin Doi la lipu nanpa 10.1038/521278a. nasin PMID la lipu nanpa 25993941. nasin S2CID la lipu nanpa 4452144. ni li open lon lipu nanpa 278 li pini lon lipu nanpa 280.
  12. ↑ nasin Arxiv la lipu nanpa 1310.8343. nasin Bibcode la lipu nanpa 2013PCCP...1514696E. nasin Doi la lipu nanpa 10.1039/C3CP51500A. nasin PMID la lipu nanpa 23900710. nasin S2CID la lipu nanpa 3944699.
  13. ↑ nasin Bibcode la lipu nanpa 1927ZPhy...43..172H. nasin doi la lipu nanpa 10.1007/BF01397280. nasin S2CID la lipu nanpa 122763326. ni li open lon lipu nanpa 172 li pini lon lipu nanpa 98.
  14. ↑ https://www.nobelprize.org/prizes/physics/1932/ceremony-speech/
  15. ↑ https://www.britannica.com/EBchecked/topic/614029/uncertainty-principle
  16. ↑ nasin ISBN la lipu nanpa 978-0080445281 la lipu nanpa 345
tan https://tok.wikipedia.org/w/index.php?title=sona_tawa_pi_wan_lili&oldid=57130