sona pi pona sijelo
sona pi pona sijelo anu sona misikeke[nimi] la, jan li wile kama sona e ni:
- jan li kepeken nasin seme ken kama sona e ni: ona li jo e jaki sijelo?
- jan li kepeken nasin seme ken weka e jaki sijelo anu pana e pona tawa ona?
- tenpo pini la, jan li kepeken nasin seme ken pali seme tawa ni: jan li jo ala e jaki sijelo.
- ale la, seme li pona tawa pilin pona sijelo?
kama sona e ni la, jan sona pi pona sojelo li kepeken e ilo e pali mute ante.
ilo ni li moku misikeke, li telo misikeke, li kasi misikeke, li len misikeke. tenpo lon la, jan li ken kepeken e ilo sona misikeke tawa kama sona e ni: sijelo li pona anu seme? tenpo mute la, ilo sona ni li kepeken e telo sijelo loje, e telo jelo.
pali misikeke li pali e pona tan insa sijelo (toki Inli la: surgery), li toki misikeke tawa ike lawa, li musi sijelo misikeke.
ijo pi pona sijelo li kama lon tenpo pini mute. taso tenpo pini la, ona li kepeken e sona tan pilin ona e sona tan nasin sewi. lon kulupu pi tenpo poka la, nasin sona li suli mute. ijo pi pona sijelo li kepeken ala e nasin sona la, ona li jo e nimi sin, li misikeke ante.
tenpo pini en tenpo lon
[o ante | o ante e toki ilo]tenpo pini mute
[o ante | o ante e toki ilo]lon tenpo pini mute, jan li pilin e ni: sijelo jaki li tan sewi. pona e sijelo la, ona li kepeken e tasi, e soweli, e pipi.
lon ma Kuma la, jan Imotepu li mama pi lipu Etuwin Sami Papilu. sona pi jan mute la, lipu ni li lipu sona pi pakala sijelo nanpa wan. ona li jo ala e nasin sewi, li pona sona tawa jaki sijelo mute.
lon ma Sonko la, nasin To li pana e sona mute pi pona sijelo. lipu sona suli nanpa wan li lipu Wanti Nitin. ona li sitelen e ni: sina li pana palisa mute lili lon sijelo jan jaki la, ona li pilin pona. lon tenpo poki pi sike nanpa 900 anu 1000 la, jan pi ma Sonko li mama e pali misikeke tamako tawa jaki lili. ona li e ni: sina li moku e kon lili lon poka pi telo sijelo loje jaki la, sina li kama ala jaki. tenpo kama la, ken pi kama jaki sina li lili mute.
lon ma Palata la, nasin Ajuweta li kama lon. ona li toki e ni: sijelo jan li jo e telo 3. nimi ona mute li telo Tosa. mute seme la, jan li wile jo e telo Tosa sama tawa pilin sijelo pona. telo wan li mute namako la, jan li kama jaki sijelo. jan pi ma Palata li ken pali lon insa sijelo tawa lukin pona, li ken weka e jaki tan ilo misikeke.
tenpo pini
[o ante | o ante e toki ilo]tenpo pini lili
[o ante | o ante e toki ilo]tenpo lon
[o ante | o ante e toki ilo]kulupu pi nasin sona
[o ante | o ante e toki ilo]sona pi pona sijelo la, kulupu suli pi nasin sona 3 li ni:
- sona suli mute la, jan ale pi sona misikeke li wile sona e ona.
- sona namako la, ona li poka e sona tawa ijo misikeke anu pali misikeke wan.
- sona poki la, jan li kepeken e nasin sona misikeke e nasin sona ante (misikeke anu misikeke ala).
sona suli mute
[o ante | o ante e toki ilo]- sona ijo
- sona pi ijo lawa
- sona pi ijo lon
- sona pi jan kama suli
- sona pi lawa jan
- sona pi moku
- sona pi moku misikeke
- sona pi pali sijelo
- sona pi palisa lili
- sona pi pilin pona sijelo
- sona pi poki sijelo lili
- sona pi sijelo jan
- sona pi sijelo jan meli
- sona pi sijelo jan mije
tenpo poki pi sona misikeke la, sona lon en sona nanpa li suli
sona namako
[o ante | o ante e toki ilo]sona namako li mute. kin la, nasin pi kipisi e sona namako li mute.
tenpo pi kipisi e kulupu, jan sona li lukin e ijo ni:
- sona la, jan li wile kepeken ilo misikeke pali lon insa sijelo anu seme?
- sona la, jan li pana e pona tawa jan seme? jan sin en jan lili en jan pi tenpo sike mute li wile e pona sama ala.
- sona la, jan li pali ala pali e pona tawa jaki sijelo? anu la, ona li kama sona e ni: sijelo li pilin pona anu ike?
- sona la, jan li lukin e insa seme, li kepeken e pali anu ilo seme?
anpa la, sona namako pi suli mute li lon:
- kulupu la, sona pi pilin pona sijelo
- sona pi kama suli ike pi poki sijelo
- sona pi jaki sijelo jan lili
- sona pi jaki sijelo jan suli
- sona pi jaki sijelo lon insa kon
- sona pi jaki sijelo lon insa lawa
- sona pi jaki sijelo lon lukin
- sona pi jaki sijelo lon selo
- sona pi jaki sijelo lon insa pilin
- sona pi jaki sijelo lon sinpin (kute en uta en nena kon)
- sona pi jaki sijelo meli
- sona pi jaki sijelo mije
- sona pi pakala lon kiwen sijelo
- sona pi pali lon sijelo insa ale
- sona pi pali lon sijelo insa tawa pona lukin
- sona pi sijelo jan moli
- tenpo ike mute la, sona pi pana e pona tawa sijelo
- tenpo pi jan li kama jaki ala, sona pi pana e pona tawa ona
- tenpo pi jan li kama mama la, sona pi pana e pona tawa sijelo
- tenpo pi jan li kama moli la, sona pi pana e misikeke tawa ona
- tenpo pi musi sijelo la, sona pi pana e pona tawa sijelo
- tenpo pi pali misikeke lon sijelo insa la, sona pi pana e misikeke tawa jan jaki
- tenpo utala la, sona pi pana e pona tawa sijelo