sona pi alasa lon

sona pi alasa lon li sona lon sona nasin lon sona nanpa. ona la, jan li kama sona e ni: mi sona e ijo la, seme la, mi ken kama lon sona sin? jan li kepeken nasin pona tawa alasa lon la, ona li ken sona e ni: toki pi jan ante li lon ala lon?

tenpo pini

tenpo pini weka la, jan pi ma Elina li open kama sona e nasin pona. tenpo wan la, jan Alitotele li toki e ni:

1. jan ale li ken moli.
2. jan Sokate li jan.
3. ni la, jan Sokate li ken moli.

nasin toki ni pi kama sona li pali pi jan Alitotele. ona la, jan li toki ni: toki open tu li lon la, toki pini li lon.

sona pi alasa lon la, jan li open tan toki lili mute ni, li wan e ona tawa toki suli. toki lili ni li lon anu lon ala. ni la, toki suli kin li lon anu lon ala.

sitelen pi alasa lon

jan li ken sitelen e nasin pi kama sona. mi wile sitelen e toki tan open la, ni li lon:

$$\left(\left({\text{jan}}\Rightarrow {\text{ken moli}}\right)\land \left({\text{jan Sokate}}\Rightarrow {\text{jan}}\right)\right)\implies \left({\text{jan Sokate}}\Rightarrow {\text{ken moli}}\right)$$

taso, tenpo mute la, jan li lukin taso e nasin pi kama sona, li lukin ala e sona open e sona pini. ni la, jan li kepeken nimi kalama tawa ona.

$$\left(\left(a\Rightarrow b\right)\land \left(c\Rightarrow a\right)\right)\implies \left(c\Rightarrow a\right)$$

sitelen li nimi ala la, ona li wan e nimi. sitelen ni li kama lon tenpo mute.

sitelen	kon
$a\land b$	$a$ en $b$ li lon
$a\lor b$	$a$ anu $b$ li lon
$\lnot a$	$a$ li lon ala
$a\Rightarrow b$	$a$ li lon la, $b$ li lon
$a\Leftrightarrow b$	$a$ li lon la, $b$ li lon; kin la, $b$ li lon la, $a$ li lon.
$(\ )$	poki ni li kulupu e toki. o sona e ona lon open, e ijo ante lon pini.

ni la, jan li ken lukin taso e nasin pi kama sona. ni li pona tawa jan sona.

nasin ilo

lipu suli: nasin pali pi jan Pu

sike nanpa 1847 la, jan sona So Pu^(?) li lon e nasin pali^(?) tawa alasa lon. sike nanpa 1937 la, jan Ko Sanen^(?) li alasa sona e ilo pi tu linja^(?) la, ona li kama sona e ni: nasin pi jan Pu li pona tawa alasa sona ona. tenpo ni la, jan li pali e ilo nanpa la, ona li sona pali e ilo kepeken nasin pi jan Pu.