sitelen wan toki

sitelen A lili li lon kule sitelen mute.

sona toki la, sitelen wan toki, anu sitelen wan taso, li ijo wan pi lili nanpa wan lon nasin pi sitelen toki. sitelen A en sitelen E en sitelen N en ijo sama li ona.

nasin toki en/anu nasin pi sitelen toki li ante la, sitelen wan toki li ken pana e sona ante, sama ni:

• sitelen Lasina la: sitelen wan li sama kalama wan toki.
  • toki pona li ni lon tenpo ale.
  • toki Inli li ni lon tenpo ale ala. ante la, sitelen ni tu li sama kalama wan. ante la, sitelen ni wan li jo ala e kalama.
• sitelen Alapi majuna la: sitelen ni li pana sona e mu pini e mu open ala.
• sitelen Kansi la: sitelen ni li pana e ale pi nimi wan e kon ona. ante la, ona li pana e kipisi pi nimi wan.
• sitelen Tewanakali la, sitelen ni li pana sona e mu pini. namako li ken lon poka, anu lon sewi, anu lon anpa, li wile pana e mu open.