sitelen toki nimi
sitelen toki nimi li nasin pi sitelen toki. nasin sitelen ni la, kalama li suli ala. sitelen wan li ken toki e kalama wan anu kalama mute, li jo e kon wan anu kulupu pi kon sama anu kon mute.
sitelen toki pi kipisi kalama(?) en sitelen toki pi kulupu kalama(?) en sitelen toki pi kalama kiwen taso(?) li ante: sitelen wan li toki e kalama wan anu kulupu pi kalama sama. taso sitelen wan li pana ala e kon pi nimi wan.
sitelen toki nimi pi toki pona
[o ante | o ante e toki ilo]sitelen pona li sitelen toki nimi pona. ni la, sitelen wan li nimi wan, li kalama wan, li jo e kon wan anu kulupu pi kon sama.
sitelen sitelen li kepeken sitelen nimi kin. ni li sama sitelen pona. sitelen sitelen li kepeken nasin sitelen pi kulupu kalama kin.
mute ante kin li lon!
sitelen Ansi
[o ante | o ante e toki ilo]sitelen Ansi li sitelen toki nimi, li suli. toki mute li kepeken ona, li kepeken nasin sitelen tan ona. toki Sonko en toki Nijon la, sitelen wan li toki e nimi mute li jo e kon mute. sitelen wan li pana lili e sona kon, e sona kalama.
sitelen Lasina
[o ante | o ante e toki ilo]sitelen Lasina li sitelen toki kalama. taso ona li kepeken kulupu lili pi sitelen toki nimi a! sitelen nanpa en sitelen mani en sitelen sama "&" en "%" li jo e kon wan. taso kalama li ante lon toki ante.