sitelen tawa Mumin pi tenpo sike 1990

sitelen tawa Mumin (toki Nijon: 楽しいムーミン一家 (Tanoshii Mūmin Ikka), "kulupu mama pona Mumin", toki Sumi: Muumilaakson tarinoita, "toki musi tan lupa ma Mumin") li sitelen tawa pi nasin Anime. kon ona li tan lipu pi soweli Mumin tan jan Tuwe Janson tan jan La Janson.

sitelen tawa ale pi soweli Mumin la, ona li nanpa tu wan pi nasin Anime, li nanpa wan pi lon ma ante. ona li open lon suno #12 pi mun #4 pi sike #1990, li pini lon suno #3 pi mun #10 pi sike #1991.