sitelen tawa "jan taso li lon tomo"

sitelen tawa "jan taso li lon tomo" (toki Inli la: Home Alone) li sitelen tawa pi ma Mewika. tenpo sike nanpa 1990 la jan Kisu Kolonpa en jan Son Jusi (toki Inli la: John Hughes) li pali e ona.

nasin ijo

kulupu jan li wile tawa ma tomo Paki lon tenpo pana. jan lili Kewin li ike e pilin pi kulupu jan ona. mama ona li jan Kesu li tawa e ona tawa tomo lape ona. jan Kewin li wile e ni: kulupu jan ona li weka.

tenpo pimeja la kon wawa li pakala e tan wawa. ilo mu ona li pini ala e lape ona tan ni. kulupu li wile tawa tomo pi tomo waso la ona li sona ala e ni: jan Kewin li lon tomo ona li lape. jan Kewin li pini lape la ona li pilin e ni: wile ona li kama lon. tenpo lili li pini la ona li pilin ike tan ni: ona li pilin e ni: mije Mali li moli e jan. mije Mali li lon tomo li lon poka pi jan Kewin.

jan lanpan tu li kama tawa tomo ona. ona li jan Ali li jan Mawi li wile e ijo tomo tan ni: ona li pilin e ni: jan ala li lon tomo. taso tenpo lili li pini la ona li pilin e ni tan jan Kewin: jan mute li lon tomo. ona li wile kama tawa tomo lon tenpo ante.

kulupu pi jan Kewin li lon tomo waso la jan Kesu li kama sona e ni: jan Kewin li lon tomo. ona li kama lon ma tomo Paki la ona li kama sona e ni: ona li ken tawa ma Mewika la tenpo suno tu li wile pini. jan Kesu li awen lon tomo pi tomo waso. kulupu li tawa tomo ante.

jan Kesu li kama tawa ma Pensiwenija la ona li ken ala tawa tomo ona. taso jan pi kalama musi li kama sona e ona la jan Kesu li wile tawa tomo ona lon poka pi kulupu jan lon tomo tawa ona.

tenpo pimeja pi tenpo pana la jan Ali en jan Mawi li kama sona e ni: jan Kewin taso li lon tomo. jan Kewin li kute e ni: tenpo pimeja la ona li tawa insa tomo. jan Kewin li tawa jan pi len Santa li toki e ni tawa ona: ona li wile e kulupu ona. jan Kewin li tawa tomo sewi li lukin e mije Mali. mije li toki e ni tawa jan Kewin: ona li moli ala e jan. tenpo mute la ona li lukin ala e jan lili ona. jan Kewin li toki e ni tawa ona: ona o lukin e jan lili ona.

jan Kewin li pali e ijo alasa lon tomo ona. jan lanpan li tawa tomo la ijo ni li pakala e ona. jan Kewin li toki e ni tawa jan lawa kepeken ilo toki: jan lanpan li lon tomo ona. jan lawa li kama li lanpan e ona.

tenpo suno li pini la jan Kewin li pilin ike tan ni: kulupu ona li awen weka. taso jan Kesu li kama. ona en jan Kewin li pilin pona. tenpo lili li pini la kulupu jan li kama. jan Kewin li toki ala e jan Ali e jan Mawi tawa ona.