sitelen pi poki jaki Kipisi
| sitelen pi poki jaki Kipisi Skibidi Toilet | |
|---|---|
poki jaki Kipisi li sama ni. | |
| mama | jan Alesi Jelasimo (toki Lusi la: Alexey Gerasimov) nimi ante: jan Tapapun (toki Inli la: DaFuq?!Boom!) |
| open | sike #2023 la mun #2 la suno #7 |
sitelen pi poki jaki Kipisi (toki Inli la: Skibidi Toilet) li kulupu pi sitelen tawa musi li tan jan Alesi Jelasimo (toki Lusi la: Alexey Gerasimov). (ilo la ona li jan Tapapun (toki Inli la: DaFuq?!Boom!).) ona li open lon sike nanpa 2023 lon ilo Jutu.
kama
[o ante | o ante e toki ilo]sitelen la poki jaki nasa li jo e lawa jan lon insa. ona li utala e jan ni: lawa ona li ilo lukin sitelen (toki Inli la: Cameraman) anu ilo kalama anu sinpin sitelen. kulupu tu ni la jan suli (toki Inli la: Titan) kin li lon li wawa mute. tenpo la wawa pi kulupu tu li kama suli.
pali
[o ante | o ante e toki ilo]jan Jelasimo li pali e sitelen kepeken ilo So Pimeke (toki Inli la: Source Filmmaker) tan kulupu Walu pi pali musi. ni la ona li kepeken sijelo kin tan musi ona. sitelen open la lawa pi poki jaki li tan sijelo jan tan musi Alaje nanpa tu. open la sitelen li lili li tawa ilo luka li musi nasa taso. kama la jan Tapapun li kama pali wawa e sitelen kepeken tenpo suli.
kalama pi poki jaki li tan kalama tu: kalama "o pana e ona tawa mi" (toki Inli la: Give It To Me) tan jan Sinpalan (toki Inli la: Timbaland) en kalama Ton Ton Je Je (toki Inli la: Dom Dom Yes Yes) tan jan Pase Kin (Biser King). jan Tunpeke #03 (@doombreaker03) pi ilo Towin li wan e ona. jan Tapapun li pana ala e mani tawa jan pali la kulupu Juniwesa Musi Ku (toki Inli la: Universal Music Group, "kulupu ale pi kalama musi") li utala e sitelen.
kulupu
[o ante | o ante e toki ilo]jan mute mute li sona e sitelen ni. ona li pona tawa jan sin mute li ike tawa jan mute pi sin ala. jan suli li toki e ni: ona li jaki e lawa. jan li kepeken nimi "skibidi" pi kon ala tawa musi.
jan Atan Kuman (toki Inli la: Adam Goodman) en jan Mako Pe (toki Inli la: Michael Bay) li lawa e pali pi sitelen suli mute li wile pali e sitelen suli pi poki jaki. kulupu ona "toki musi len" (toki Inli la: Invisible Narratives) li kama lawa e nimi sitelen e jan ilo sitelen. ona li ken e ni: kulupu li pali e ilo musi pi jan sitelen e len pi jan sitelen. pini pi sike nanpa 2023 la ona (anu ona pi lon ala) li toki e ni tawa lawa pi musi "namako pi jan Kewi" (Garry's Mod): ona o weka e ijo sitelen tan ma ona. jan Jelasimo li wile ala e weka li wile e ni: jan li kama ala jo e mani la ona o ken kepeken ijo sitelen. kama la kulupu en lawa li toki la ale li kama pona.
pini pi sike nanpa 2024 la ijo pi sitelen ni li kama lon musi Ponta(?). jan pi ilo lukin li kama jan musi. palisa li kama ilo pakala. poki jaki li kama ijo monsi.