sitelen nena Paja

ike la lipu ni li lili. sina wile pona e ona la sina ken suli e ona.

jan li pilin e lipu pi sitelen Paja.

sitelen nena Paja (toki Kanse la: braille bʁaj) li nasin sitelen pi lukin ala. jan li pilin e ona kepeken luka. jan Luwi Paja (toki Kanse la: Louis Braille lwi bʁɑj) li open e pali ona lon sike nanpa 1824 (lon sike ona nanpa 15) tan ni: lukin ona li moli.

nena nanpa ni li toki nena e nanpa ona kepeken sitelen tu. sitelen open li toki e ni: sitelen kama li nanpa.

sitelen wan pi nasin Paja la nena luka wan anu luka tu wan li ken lon li ken lon ala. sitelen wan ni li ken sitelen wan pi nasin sitelen ante li ken sitelen mute li ken toki e ni kin: sitelen kama li suli anu nanpa anu ijo ante. kulupu nena sama li ken ante lon toki ante.