sitelen Umu

sitelen "UwU" ni la, poka sinpin ona li kama loje.

sitelen Umu (UwU) li sitelen sinpin. lukin tu ona li pini li sitelen "U". uta ona li sama soweli suwi li sitelen "w". jan soweli li kepeken mute e sitelen "UwU".

sama la, sitelen Omo (OwO) li sitelen sinpin li tan sitelen "Uwu". ante la, lukin tu ona li open mute li sitelen "O". uta ona li sama, li sitelen "w".

sama la, sitelen Tuwi (TwT) li sitelen sinpin li tan ona kin. ante la, lukin tu ona li sitelen "T". lukin ona li pini (li linja supa lon sitelen "T") li pana e telo lukin (li linja sinpin lon sitelen "T"). uta ona li sama, li sitelen "w".